មន្ត្រីអង្គការលីកាដូ ក៏បានជួយសង្គ្រោះស្ត្រី ៤នាក់ផ្សេងទៀតដែលបានដួលសន្លប់នៅក្នុងការតវ៉ាមួយនៅមុខសាលារាជធានីភ្នំពេញ កាលពីថ្ងៃច័ន្ទ ទី២៨ ខែវិច្ឆិកា ឆ្នាំ២០១១។
ការចាប់ឃុំខ្លួនស្ត្រីតវ៉ាទាំងនេះ បានធ្វើឡើងក្រោយពីក្រុមប្រជាពលរដ្ឋដែលមន្ត្រីសុរិយោដីរាជធានីភ្នំពេញ បានចុះទៅកំណត់ព្រំប្រទល់ដីរវាងក្រុមហ៊ុនវិនិយោគបឹងកក់ និងព្រំដីដែលនាយករដ្ឋមន្ត្រីកាត់ចេញពីតំបន់វិនិយោគ ដែលមានទំហំជាង ៣៣ហិកតារ ប្រគល់ឲ្យពលរដ្ឋនៅសេសសល់ជាង ៧០០គ្រួសារ ចំនួន ៧ភូមិ ឲ្យអភិវឌ្ឍន៍នៅនឹងកន្លែង ដែលមានទំហំជាង ១២ហិកតារ។ ប៉ុន្តែពលរដ្ឋមួយចំនួនដែលផ្ទះគាត់ត្រូវបានគ្រឿងចក្រកាយកម្ទេចកន្លងមកនោះ បារម្ភខ្លាចពួកគាត់មិនទទួលបានកម្មសិទ្ធិដីធ្លី នាំគ្នាទៅសាលាក្រុងដើម្បីសុំកម្មសិទ្ធិកាន់កាប់ផ្ទះ។
ស្ត្រី ៤នាក់ដែលប៉ូលិសចាប់ខ្លួនដាក់រថយន្តនោះ មានឈ្មោះអ្នកស្រី ទេព វន្នី អ្នកស្រី ហេង មុំ និងអ្នកស្រី គង់ ចន្ថា និងស្ត្រីម្នាក់ទៀតមិនស្គាល់ឈ្មោះនៅឡើយ។
ស្ដាប់សេចក្ដីរាយការណ៍ពិស្ដារ៖