នៅវេលាម៉ោងប្រមាណ ១អធ្រាត្រឈានចូលថ្ងៃទី២៣ ខែវិច្ឆិកានេះ លោកនាយករដ្ឋមន្ត្រី ហ៊ុន សែន ប្រមុខរដ្ឋាភិបាលកម្ពុជា បានធ្វើសន្និសីទជាសាធារណៈជាលើកទី១ តាមទូរទស្សន៍បាយ័ន ដោយធ្វើការបន្តផ្ទាល់តាមរយៈវេទិកាប្រគំតន្ត្រីនៅក្បែរសណ្ឋាគារណាហ្កា បានឲ្យដឹងថា អ្នកស្លាប់ក្នុងឧបទ្ទវហេតុនៅកោះពេជ្រ មានប្រមាណជា ១៨០នាក់ នេះមិនបានគិតដល់អ្នកដែលរងរបួស និងអ្នកដែលត្រូវសង្គ្រោះនៅមន្ទីរពេទ្យនៅឡើយទេ។
លោកនាយករដ្ឋមន្ត្រីក៏បានបញ្ជាទៅដល់ស្ថាប័នពាក់ព័ន្ធទាំងឡាយ ជាពិសេសស្ថាប័នស៊ើបអង្កេត ឲ្យធ្វើការស៊ើបអង្កេត និងធ្វើកោសលវិច័យឲ្យបានម៉ត់ចត់ ចំពោះព្រឹត្តិការណ៍ដែលធ្វើឲ្យមនុស្សស្លាប់ដែលគួរឲ្យរន្ធត់នេះ។
សូមស្ដាប់សេចក្ដីរាយការណ៍ដំបូងរបស់លោក សេក បណ្ឌិត នៅទីកើតហេតុ តាមរយៈការសាកសួររបស់លោក វោហារ ជាតិ ៖
(សូមរង់ចាំអាន និងស្ដាប់ព័ត៌មានថ្មីៗបន្ថែមទៀតក្នុងកម្មវិធីផ្សាយរបស់វិទ្យុអាស៊ីសេរី)