ប្រភពអ្នករៀបចំធ្វើបាតុកម្មនោះបានឲ្យដឹងថា មូលហេតុនៃការហាមឃាតនោះ គឺដោយសារតែការដាក់ពាក្យធ្វើបាតុកម្ម គឺនៅកៀកនឹងថ្ងៃធ្វើមហាសន្និបាត ដែលមិនអាចសម្រេចបានភ្លាមៗ នៅក្នុងពេលវេលាខ្លីពេក។
អ្នករៀបចំធ្វើបាតុកម្ម បានរៀបចំលិខិតនៅថៃ្ងទី២៩ ខែកញ្ញា ហើយបានដាក់ពាក្យសុំធ្វើបាតុកម្មនោះ នៅថៃ្ងទី៣០ ខែកញ្ញាថ្មីៗនេះ នៅគ្រាដែលមហាសន្និបាតអាស៊ី-អឺរ៉ុប នៅថៃ្ងទី៤ ខែតុលា ដល់ថៃ្ងទី៥ ខែតុលា សប្តាហ៍ខាងមុខនេះ។
អ្នករៀបចំធ្វើបាតុកម្មម្នាក់ នៅក្នុងចំណោម ៤នាក់ នៅក្នុងទីក្រុងប្រ៊ូសែល ប្រទេសប៊ែលហ្សិក ឈ្មោះ ជាតិ ជា អាយុ ៦៥ឆ្នាំ បានថ្លែងប្រាប់វិទ្យុអាស៊ីសេរីតាមទូរស័ព្ទមកថា ក្រុមរបស់លោកនឹងលើកបាដាមួយចំនួន នៅក្នុងចំណោមក្រុមបាតុករជនជាតិលាវ ដែលទទួលការអនុញ្ញាតធ្វើបាតុកម្មនៅថ្ងៃទី៤ ខែតុលា ឆាប់ៗនេះ៕