ប្រភពពីលោក ង៉ែត ណារ៉ា មន្ត្រីសម្របសម្រួលនៃអង្គការអាដហុកក្នុងខែត្រស្វាយរៀង បានឲ្យដឹងថា តុលាការខែត្រស្វាយរៀងបានផ្ដន្ទាទោសលោក សម រង្ស៊ី ប្រធានគណបក្សសមរង្ស៊ី ឲ្យជាប់គុករយៈពេល ២ឆ្នាំ ពីបទបំផ្លាញសម្បត្តិសាធារណៈ និងបទញុះញង់ឲ្យមានការរើសអើងជាតិសាសន៍ កាលពីខែតុលា ឆ្នាំ២០០៩កន្លងទៅ។
ទន្ទឹមគ្នានេះដែរតុលាការដដែលបានផ្ដន្ទាទោសអ្នកស្រី មាស ស្រី និងលោក ព្រំ ជា ឲ្យជាប់គុកម្នាក់ ១ឆ្នាំ ពីបទបំផ្លាញសម្បត្តិសាធារណៈដោយចេតនា ហើយតុលាការបានបង្គាប់ឲ្យអ្នកទាំង៣ គឺលោក សម រង្ស៊ី, អ្នកស្រី មាស ស្រី និងលោក ព្រំ ជា បង់ប្រាក់សំណងជំងឺចិត្តសរុបជាង ៦០លានរៀល។
តុលាការបានលើកលែងការចោទប្រកាន់លើជនសង្ស័យ ៣នាក់ទៀត គឺអ្នកស្រី នាង ផល្លី, លោក ខន ជា និងលោក ប្រាក់ កើន។
សាលក្រមនេះត្រូវបានប្រកាសដោយចៅក្រមជម្រះក្ដី គឺលោក គាំ ឈាន ជាប្រធានតុលាការនៃខែត្រស្វាយរៀង។
អ្នកស្រី គឹម ពៅ អ្នកយកព័ត៌មានរបស់វិទ្យុអាស៊ីសេរីដែលបានទៅយកព័ត៌មាននៅឯតុលាការខេត្តស្វាយរៀងនោះ បានរាយការណ៍តាមទូរស័ព្ទអំពីស្ថានភាពការកាត់ក្តីនោះ តាមការសាកសួររបស់លោក ឡេង ម៉ាលី ដូចតទៅនេះ ៖