សេចក្ដីថ្លែងដូច្នេះរបស់លោកនាយករដ្ឋមន្ត្រី បានធ្វើឡើងជាសាធារណៈម្ដងទៀត នៅក្នុងឱកាសដែលលោកបានចូលរួមជាអធិបតី នៅក្នុងកិច្ចប្រជុំមួយស្ដីអំពីការការពារបឹងទន្លេសាបនៅទីក្រុងភ្នំពេញ។
លោកនាយករដ្ឋមន្ត្រីបានអះអាងអំពីភាពរឹងមាំរបស់លោក ហើយបានគំរាមបញ្ជាក់ថា បំណងចង់ចាប់រូបលោកនោះ នឹងមិនអាចទៅរួចទេ ៖ «ហ៊ានដល់ថ្នាក់ចាប់ ហ៊ុន សែន ហើយក៏គ្មាននរណាម្នាក់មានបំណងចាប់ ហ៊ុន សែន ប៉ុន្តែបើចាប់ តើគេបានផ្ដាំប្រពន្ធកូនឲ្យត្រៀមកប់ខ្មោចហើយឬនៅ?»។
លោកមានប្រសាសន៍ជាថ្មីម្ដងទៀត អំពីរឿងនេះ ក្រោយពីលោកបានលេចឮការពិភាក្សាគ្នារបស់ក្រុមអ្នកនយោបាយ នៅតែបន្តពិភាក្សាអំពីរឿងលោកនៅឡើយ នៅគ្រាដែលលោកឆ្លងជំងឺ A(H1N1) ហើយបានអវត្តមានជាសាធារណៈអស់រយៈពេលប្រហែលកន្លះខែ កាលពីពេលថ្មីៗកន្លងទៅ។
លោកបានអះអាងទៀតថា នៅគ្រានោះ លោកបានប្រឹងប្រែងធ្វើការងារ និងបានចុះហត្ថលេខាលើឯកសារជាច្រើន បើទោះបីជាលោកមានជំងឺក៏ដោយ៕