ការស្នើសុំរបស់លោក សុន ឆ័យ ធ្វើឡើងបន្ទាប់ពីអាជ្ញាធរបានចាប់ឃាត់ខ្លួនអ្នកស្រី ផេង គន្ធាបូរី នាយិកាពិធីការ និងទំនាក់ទំនងអន្តរជាតិរបស់ប្រធានព្រឹទ្ធសភា និងជាប្រធានគណបក្សប្រជាជនកម្ពុជា លោក ជា ស៊ីម ពីបទឆបោកមានស្ថានទម្ងន់ទោសប៉ះពាល់ថ្នាក់ដឹកនាំកំពូលរបស់ជាតិ។
លោក សុន ឆ័យ បន្តថា បច្ចុប្បន្ននេះតំណែងជាទីប្រឹក្សា និងឧកញ៉ា ត្រូវបានផ្ដល់ និងលក់ទៅក្រុមឈ្មួញដើម្បីយកតួនាទីទាំងនោះធ្វើអាជីវកម្មខុសច្បាប់។
មន្ត្រីជាន់ខ្ពស់នៃខុទ្ទកាល័យលោក ជា ស៊ីម បានអះអាងថា ការឃាត់ខ្លួន និងឃុំខ្លួនមន្ត្រីជាន់ខ្ពស់នៅក្នុងស្ថាប័នព្រឹទ្ធសភាកាលពីពេលថ្មីៗនេះ គឺជាការអនុវត្តទៅតាមច្បាប់ មិនពាក់ព័ន្ធទៅនឹងនយោបាយនោះទេ។ មន្ត្រីបន្តថា ការស្រាវជ្រាវរកឃើញឯកសារមិនប្រក្រតីមួយចំនួន ដូចជាការបន្លំឯកសារសាធារណៈ ការប្រើឯកសារក្លែងក្លាយ ដោយយកឈ្មោះប្រធានព្រឹទ្ធសភាទៅធ្វើអាជីវកម្ម។
មកទល់ពេលនេះ មានមន្ត្រីជាន់ខ្ពស់ លោក ជា ស៊ីម ចំនួន ៥នាក់ ហើយត្រូវបានឃាត់ខ្លួនពាក់ព័ន្ធនឹងករណីប្រើប្រាស់ឈ្មោះមន្ត្រីដឹកនាំ និងក្លែងបន្លំឯកសារ។
លោក យន់ សាមៀន បានសាកសួរលោក សុន ឆ័យ ជុំវិញការចាប់ខ្លួនមន្ត្រីរបស់លោក ជា ស៊ីម នេះ៖
សេចក្ដីរាយការណ៍បន្ថែមរបស់អ្នកស្រី ខែ សុណង ទាក់ទងនឹងការចាប់ខ្លួនអ្នកស្រី ផេង គន្ធាបូរី៖