មន្ត្រីមួយរូបនៃក្រសួងការបរទេសជប៉ុនបានមានប្រសាសន៍ប្រាប់ទីភ្នាក់ព័ត៌មាន អាអេហ្វប៉េ (AFP) ពីថ្ងៃសៅរ៍ថា ក្នុងការជួបគ្នានៅក្នុងប្រទេសជប៉ុនរវាងនាយករដ្ឋមន្ត្រីជប៉ុននិងកម្ពុជានោះ លោក ហាតូយ៉ាម៉ា មានប្រសាសន៍ថា លោកខ្វាយខ្វល់ចំពោះស្ថានការណ៍ថ្មីៗនេះរវាងកម្ពុជានិងថៃ ហើយរំពឹងថា បញ្ហាស្មុគស្មាញរវាងប្រទេសទាំងពីរនេះនឹងកាន់តែល្អប្រសើរឡើង។
មន្ត្រីជប៉ុននោះបន្តថា ចំពោះលោកនាយករដ្ឋមន្ត្រី ហ៊ុន សែន វិញ បានមានប្រសាសន៍ថា ស្ថានការណ៍នៅតាមព្រំដែនគឺមានស្ថិរភាព ថ្វីបើមានការប្រើពាក្យសម្ដីដាក់គ្នារវាងប្រទេសទាំងពីរក្នុងពីរបីខែកន្លងមកនេះក្តី។
មន្ត្រីជប៉ុននោះបន្តទៀតថា នៅជប៉ុនគឺពុំមានការជួបទ្វេភាគីរវាងលោកនាយករដ្ឋមន្ត្រី ហ៊ុន សែន និងនាយករដ្ឋមន្ត្រីថៃ លោក អាភីស៊ិត វេតឆាឈីវ៉ាក់ (Abhisit Vejjajiva) ឡើយ៕