ព្រះសង្ឃពីគ្រប់ឋានានុក្រមជាង ៥.០០០អង្គ និងពុទ្ធបរិស័ទរាប់ម៉ឺននាក់ បានសូត្រធម៌តាមបែបព្រះពុទ្ធសាសនា បួងសួងសុំឲ្យទេវតានាំយកកងការមហាកុសលថ្វាយព្រះបរមសព ព្រះមហាវីរក្សត្រ។ នៅក្នុងពិធីនោះ ព្រះសង្ឃគង់ជាជួរៗ តាំងសមាធិរយៈពេល ៣០នាទី បន្ទាប់មកសូត្រធម៌បង្សុកូលថ្វាយទៅព្រះបរមសព។
រដ្ឋមន្ត្រីព្រះបរមរាជវាំង លោក គង់ សំអុល ឡើងអានសាររំលែកទុក្ខថ្វាយព្រះមហាក្សត្រ និងព្រះវររាជបិតាជាតិខ្មែរ។
ចំណែកមហាជនជាច្រើនម៉ឺននាក់ លើកដៃប្រណមបួងសួងឲ្យទេវតានាំព្រះមហាកុសលថ្វាយទៅព្រះវិញ្ញាណក្ខន្ធ ព្រះវររាជបិតាជាតិ បានទទួលនូវមហាមគ្គផលទាំងអស់នេះ។
នេះជាពិធីជួបជុំរបស់ព្រះសង្ឃ និងពុទ្ធបរិស័ទដ៏ធំលើកទី១ហើយ នៅក្នុងប្រវត្តិសាស្ត្រនៃប្រទេសកម្ពុជា រយៈពេលមួយសតវត្សចុងក្រោយនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។