នៅក្នុងលិខិតជូនលោកនាយករដ្ឋមន្ត្រីតាមរយៈប្រធានសភា បានសរសេរថា ប្រជាពលរដ្ឋប្រមាណ១.៧៥០គ្រួសារនៅឯឃុំក្រយា ស្រុកសន្ទុក ខេត្តកំពង់ធំ ត្រូវអាជ្ញាធរខេត្តបណ្តេញដោយបង្ខំនិងបានចាប់មនុស្ស១៤នាក់ដាក់គុក ដើម្បីយកដីទាំងនោះទៅឲ្យក្រុមហ៊ុនវៀតណាមមួយឈ្មោះតាន់បៀន។
បច្ចុប្បន្ននេះប្រជាពលរដ្ឋដែលរងគ្រោះនោះត្រូវអាជ្ញាធរបង្ខំឲ្យទៅរស់នៅលើទីតាំងថ្មីដែលជាតំបន់លិចទឹក ដែលជាហេតុធ្វើឲ្យប្រជាពលរដ្ឋទាំងនោះមិនមានទីជម្រកត្រឹមត្រូវ ខ្វះទាំងអាហារទទួលទានហើយកំពុងយាយីដោយជំងឺគ្រុនចាញ់៕