តុលាការកម្ពុជា កាលពីខែកុម្ភៈបានកាត់ទោសជនជាតិថៃពីរនាក់ ពីបទឆ្លងដែនខុសច្បាប់មកកម្ពុជា និងចូលតំបន់ហាមឃាត់យោធា។
លោក កាសិត ភិរម្យ (Kasit Piroyma) មានប្រសាសន៍បន្តថា ពលរដ្ឋខ្មែរម្នាក់នេះ នឹងអាចប្រឈមមុខនិងការជាប់ពន្ធនាគាររយៈពេលពីរភាគបីនៃទោសខ្លួនជាមុនសិន មុននឹងអាចធ្វើការផ្លាស់ប្ដូរអ្នកទោសបាន។ ចំណែកនាយករដ្ឋមន្ត្រីថៃ លោក អាប់ភិសិត វិចាជីវ៉ា (Abhisit Vejjajiva) បានបញ្ជាឲ្យមន្ត្រីក្រសួងការបរទេសខ្លួនធ្វើការបកស្រាយការចោទប្រកាន់របស់កម្ពុជាទាក់ទងនឹងការចាប់ខ្លួននេះ។
កម្ពុជាកាលពីថ្ងៃសុក្រ បានបដិសេធថាមិនបានបញ្ជូនអ្នកស៊ើបការណ៍យោធាទៅតំបន់ជម្លោះនោះទេ ហើយកម្ពុជាជឿជាក់ថា ការចាប់ខ្លួនពលរដ្ឋខ្មែររបស់ថៃ ធ្វើឡើងក្នុងបំណងដើម្បីឈ្លានពានកម្ពុជាតែប៉ុណ្ណោះ។
រដ្ឋាភិបាលថៃបានប្រកាសថា តុលាការថៃនឹងបន្តដំណើរការតាមប្រព័ន្ធយុត្តិធម៌ជាមុនសិន មុននឹងរដ្ឋាភិបាលធ្វើអត្ថាធិប្បាយជាបន្តទៀត៕