មនុស្សជាង ៣០នាក់របួសក្នុងការប៉ះទង្គិចគ្នានៅទីលានប្រជាធិបតេយ្យខាងជើងស្ពាននាគ រវាងប្រជាពលរដ្ឋអ្នកតស៊ូមតិ និងសកម្មជនគណបក្សសង្គ្រោះជាតិ ជាមួយអាជ្ញាធររាជធានីភ្នំពេញ នៅព្រឹកថ្ងៃទី១៥ កក្កដា។
ប្រជាពលរដ្ឋអ្នកតស៊ូមតិ និងសកម្មជនគណបក្សសង្គ្រោះជាតិ ជាច្រើនរយនាក់ បាននាំយកបដាពណ៌ស្បង់លោកដោយសរសេរសុំឲ្យដោះលែងទីលានប្រជាធិបតេយ្យ (Free Freedom Park) ហើយកងកម្លាំងអាជ្ញាធររាជធានីភ្នំពេញ ប្រដាប់ដោយដំបងជ័រ ដំបងឈើរុំកាសែត មកវាយបំបែកក្រុមអ្នកតវ៉ា និងបង្កឲ្យមានអ្នករបួសទាំងសងខាង។ កងកម្លាំងសន្តិសុខរបួស ១៧នាក់ និងខាងសកម្មជនបក្សសង្គ្រោះជាតិ របួស ១៤នាក់។ នេះបើតាមការអះអាងពីមន្ត្រីសិទ្ធិមនុស្សលីកាដូ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។