ស្ថាបនិកអង្គការមាតាធម្មជាតិ គឺលោក អាឡិកហាន់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ដែលកំពុងនៅក្រៅប្រទេស កាលពីថ្ងៃអាទិត្យ ទី២៩ មករា បានបង្ហាញនូវក្តីសង្ឃឹមថា សាលាឧទ្ធរណ៍នឹងមិនធ្វើសេចក្តីសម្រេចដាក់ទោសលើយុវជនដែលជាសកម្មជនបរិស្ថាន ៣រូប ដោយស្ថិតនៅក្រោមសម្ពាធរបស់ក្រុមថៅកែរកស៊ីបូមខ្សាច់លក់នៅខេត្តកោះកុង នោះឡើយ។
សាលាឧទ្ធរណ៍ នឹងបើកសវនាការលើសំណុំរឿងសកម្មជនបរិស្ថានទាំង ៣រូបរួមមាន លោក សាន់ ម៉ាឡា លោក ទ្រី សុវីគា និងលោក ស៊ីម សំណាង នៅថ្ងៃអង្គារ ទី៣១ ខែមករា នៅខណៈពួកគេកំពុងនៅក្រៅប្រទេស។
ស្ថាបនិកអង្គការមាតាធម្មជាតិ ក៏បានគាំទ្រអង្គការសង្គមស៊ីវិលមួយចំនួនដែលបានចេញសេចក្តីថ្លែងការណ៍រួម ដោយអំពាវនាវឲ្យសាលាឧទ្ធរណ៍បដិសេធការផ្ដន្ទាទោសសកម្មជនបរិស្ថាន ៣រូបនេះ ដោយចាត់ទុកសេចក្តីសម្រេចរបស់សាលាដំបូងខេត្តកោះកុង ថាពុំត្រឹមត្រូវ និងមិនយុត្តិធម៌។
សូមស្តាប់បទសម្ភាសន៍របស់លោក ថា កិត្យា ជាមួយលោក អាឡិកហាន់ដ្រូ ជុំវិញរឿងនេះដូចតទៅ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។