ការផ្សាយនោះ គឺប៉ះពាល់ជាពិសេសដល់កងទ័ពនៃប្រទេសទាំងពីរ ក្នុងកិច្ចសហប្រតិបត្តិការដើម្បីរក្សាសន្តិភាពនៅតាមបណ្តោយព្រំដែនកម្ពុជា និងថៃ។
សេចក្តីប្រកាសព័ត៌មានរបស់អ្នកនាំពាក្យក្រសួងការពារជាតិកម្ពុជា នេះ គឺឆ្លើយតបនឹងការចុះផ្សាយព័ត៌មានរបស់កាសែតបាងកកប៉ុស្តិ៍ នៅថ្ងៃទី៧ ខែមីនា កន្លងទៅនេះ ដែលបានចោទប្រកាន់ថា កម្ពុជា បានប្រើប្រាស់គ្រាប់មីនផលិតនៅវៀតណាម (TMN1) នៅតាមបណ្តោយព្រំដែនកម្ពុជា និងថៃ។
ក្រសួងការពារជាតិកម្ពុជា បានថ្កោលទោសចំពោះការចោទប្រកាន់របស់អ្នកនាំពាក្យរងយោធាថៃ លោក វិនថៃ ស៊ូវ៉ារី (WinThai Suwaree) ដែលកាសែតបាងកកប៉ុស្តិ៍ ដកស្រង់សម្ដីមកចុះផ្សាយ។ សេចក្តីប្រកាសព័ត៌មាន បានបញ្ជាក់ថា កម្ពុជា ជារដ្ឋភាគីនៃអនុសញ្ញាអូតាវ៉ា (Ottawa Convention) ប្រឆាំងការប្រើប្រាស់គ្រាប់មីននេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។