អនុប្រធានបក្សសង្គ្រោះជាតិ លោក កឹម សុខា ថា គណបក្សសង្គ្រោះជាតិ នឹងរកមធ្យោបាយជួបគណបក្សកាន់អំណាចឆាប់ៗ ដើម្បីដោះស្រាយនយោបាយកំពុងជាប់គាំង ជាពិសេសករណី លោក សម រង្ស៊ី។
លោក កឹម សុខា អះអាងបែបនេះនៅពេលលោកត្រឡប់មកដល់កម្ពុជាវិញ នៅថ្ងៃទី២៤ វិច្ឆិកា ថា ជំនួបនោះនឹងធ្វើយ៉ាងណាដើម្បីរកច្រកចេញ គឺរកលទ្ធភាពដើម្បីឲ្យលោក សម រង្ស៊ី ប្រធានគណបក្សសង្គ្រោះជាតិ បានវិលចូលស្រុកវិញឆាប់ៗ បន្ទាប់ពីតុលាការចេញដីកាចាប់ខ្លួនជុំវិញបទបរិហារកេរ្តិ៍កាលពីជាង ៧ឆ្នាំមុន។
ក្នុងដំណើរវិវត្តន៍នេះ ក៏មានការអមដំណើរដោយតំណាងរាស្ត្របក្សប្រឆាំង ២រូបទៀត គឺលោក ញ៉យ ចំរើន និងលោក គង់ សភា ដែលទើបបានធូរស្រាលពីការព្យាបាលរបួសក្នុងប្រទេសថៃ។
ចំណែកនៅបរិវេណអាកាសយានដ្ឋានអន្តរជាតិភ្នំពេញ ក៏មានអ្នកគាំទ្ររាប់សិបនាក់ មកទទួលដំណើរលោក កឹម សុខា ផងដែរ។
សូមស្ដាប់សេចក្ដីរាយការណ៍ផ្ទាល់របស់លោក ម៉ម មុនីរតន៍ អំពីការវិលត្រឡប់មកស្រុកវិញរបស់លោក កឹម សុខា តាមការសាកសួររបស់អ្នកស្រី ខែ សុណង៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។