ការចោទប្រកាន់នេះ ធ្វើឡើងបន្ទាប់ពីលោក គង់ គាំ បានទៅពិនិត្យព្រំដែននៅស្រុកស្វាយជ្រំ ខេត្តស្វាយរៀង ប៉ុន្តែត្រូវបានអាជ្ញាធរវៀតណាម រារាំងលោកមិនឲ្យទៅពិនិត្យតំបន់ដែលពលរដ្ឋខ្មែរចោទថា ប្រទេសវៀតណាម បានយកទឹកដីខ្មែរ ធ្វើជាទឹកដីរបស់វៀតណាម នោះ។ លោក គង់ គាំ បានឲ្យដឹងថា ពលរដ្ឋរស់នៅច្រកព្រំដែនក្រសាំងជ្រំ ស្នើសុំឲ្យលោកទៅពិនិត្យតំបន់ព្រំដែនដែលពលរដ្ឋអះអាងថា កម្ពុជា បាត់បង់ទឹកដីប្រហែលមួយគីឡូម៉ែត្រ។
លោក ផៃ ស៊ីផាន មានប្រសាសន៍ថា រដ្ឋាភិបាលនឹងចុះទៅពិនិត្យតំបន់ព្រំដែនដែលពលរដ្ឋចោទថា កំពុងមានបញ្ហានោះ ប្រសិនបើលោក គង់ គាំ ដាក់ពាក្យបណ្ដឹង។ ទោះបីជាយ៉ាងក៏ដោយ លោក ផៃ ស៊ីផាន បានរិះគន់ថា សមាជិកព្រឹទ្ធសភាគណបក្ស សម រង្ស៊ី មិនត្រូវព្យាយាមដោះស្រាយបញ្ហាព្រំដែនដោយផ្ទាល់ខ្លួនឡើយ។ លោកថា បញ្ហាព្រំដែនជាបញ្ហាអន្តរជាតិ ត្រូវដោះស្រាយដោយគណៈកម្មាធិការព្រំដែននៃប្រទេសទាំងពីរ។
ទោះជាយ៉ាងណាក្តី លោក គង់ គាំ បញ្ជាក់ថា លោកគ្មានជំនឿថារដ្ឋាភិបាលនឹងដោះស្រាយបញ្ហាព្រំដែននៅជាប់នឹងប្រទេសវៀតណាម បានឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។