កម្មកររបស់ក្រុមហ៊ុនអភិបាលរងខេត្តព្រះវិហារ បើកគ្រឿងចក្រដេញបុកពលរដ្ឋ

ពលរដ្ឋជនជាតិដើមភាគតិចកួយ ចោទក្រុមកម្មករក្រុមហ៊ុនរបស់អភិបាលរងខេត្តព្រះវិហារលោក អ៊ុក គឹមសាន ថាបានបើកគ្រឿងចក្រ ដេញបុកពួកគាត់ និងកិនកម្ទេចម៉ូតូរបស់ពួកគាត់៣គ្រឿង និងគោយន្ត១គ្រឿង។ ពលរដ្ឋម្នាក់ បានរងរបួសជើងដោយសារត្រូវកម្មករក្រុមហ៊ុនកាប់នឹងផ្លែដាវ។ ការប៉ះទង្គិចនេះបានកើតឡើង ក្រោយក្រុមពលរដ្ឋប្រមាណ២០០នាក់ ចុះឃាត់គ្រឿងចក្ររបស់ក្រុមហ៊ុនកុំឱ្យឈូសឆាយដីព្រៃជំនឿ និងបំផ្លាញដីស្រែចម្ការរបស់ពួកគាត់។