រំលងទៅមាតិកាចម្បងអាជ្ញាធរខេត្តពោធិ៍សាត់រារាំងក្បួនធម្មយាត្រាក្រោមហេតុផលលើសចំនួនកំណត់
អាជ្ញាធរខេត្តពោធិ៍សាត់រារាំងក្បួនធម្មយាត្រាដែលដឹកនាំដោយសមាគមគ្រូបង្រៀនកម្ពុជាឯករាជ្យ ក្រោមហេតុផលថា ពលរដ្ឋចូលរួមហែក្បួនលើសចំនួនកំណត់ ដែលក្រសួងមហាផ្ទៃអនុញ្ញាត ៥០នាក់។ ទោះយ៉ាងណាអាជ្ញាធរមិនអាចរារាំងក្បួនធម្មយាត្រា នៅចំណុចភូមិស្វាយអាត់ ឃុំស្នាមព្រះ ស្រុកបាកាន នៅព្រឹកថ្ងៃទី៧ កុម្ភៈ ទេ ដោយសារពួកគាត់ជំនះរួមគ្នាធ្វើដំណើរឆ្ពោះទៅរូបសំណាកលោកតាឃ្លាំងមឿង ដែលជាថ្ងៃបញ្ចប់ធម្មយាត្រា។
ក្បួនធម្មយាត្រានេះដើម្បីលើកស្ទួយសីលធម៌សង្គម ដែលត្រូវបានគេមើលឃើញថា កំពុងធ្លាក់ចុះខ្លាំង មានរយៈពេល ៧ថ្ងៃហើយ ដោយចាប់ផ្ដើមពីថ្ងៃទី១ កុម្ភៈ ពីចំណុចរមណីយដ្ឋានប្រវត្តិសាស្ត្រវត្តភ្នំ រាជធានីភ្នំពេញ។ រយៈពេល ១សប្ដាហ៍នេះ ក្បួនធម្មយាត្រាបានស្ថិតក្រោមការឃ្លាំមើលពីអាជ្ញាធររហូតមក៕
