བརྙན་འཕྲིན་གསར་འགྱུར། ༢༠༢༥།༠༣།༠༡

བཞུགས་སྒར་དུ་རབ་གནས་ཤིང་སྦྲུལ་ལོའི་གནམ་ལོ་གསར་དུ་བཞད་པར་དཔལ་ལྡན་དམག་ཟོར་རྒྱལ་མོར་ཚེས་གཏོར་གྱིས་མཚོན་པའི་ཆོས་ཕྱོགས་ཀྱི་རྣམ་པའི་སྒོ་ནས་ལོ་སར་སྲུང་བརྩི་ཞུས་སོང་། ཨ་རིའི་གཞུང་གིས་༧གོང་ས་༧སྐྱབས་མགོན་ཆེན་པོ་མཆོག་དང་མང་གཙོའི་ལམ་ནས་འདེམས་བསྐོ་ཞུས་པའི་བོད་མིའི་སྒྲིག་འཛུགས་དང་རྒྱ་ནག་གཞུང་དབར་བོད་རྒྱའི་དཀའ་རྙོག་སེལ་རྒྱུའི་ཐད་མུ་མཐུད་ཤུགས་གནོན་སྐྱོན་རྒྱུ་ཡིན་པ་ཊམཔ་སྲིད་གཞུང་གསར་པའི་ངོས་ནས་གསུངས་བྱུང་། ཨེ་ཤེ་ཡ་རང་དབང་རླུང་འཕྲིན་ཁང་གི་ལོ་གསར་གྱི་འཚམས་འཕྲིན་སོགས་དམིགས་བསལ་ལོ་གསར་དང་འབྲེལ་བའི་ལས་རིམ་ཁག་རྒྱང་བསྲིངས་ཞུ་རྒྱུ་ཡོད། RFA Tibetan TV Program- March 1, 2025 Anchor: Tashi Wangchuk Producer: Passang Dhonden