ཡོ་རོབ་ཁུལ་དུ་བོད་མིའི་རང་དབང་སྒེར་ལངས་༦༤པ་སྲུང་བརྩི་ཐད་གླེང་མོལ།

ཡོ་རོབ་ཁུལ་དུ་བོད་མིའི་སྤྱི་མཐུན་ཚོགས་པ་ཁག་ཐུན་མོང་གིས་ཨི་ཊ་ལི་རྒྱལ་ས་རོམ་དུ་རྒྱས་འཛོམས་གནང་སྟེ་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་ ༦༤ པ་སྲུང་བརྩི་ཞུ་གི་ཡོད་ཅིང་། བོད་མི་དམངས་སྤྱི་འཐུས་ཚོགས་གཞོན་སྒྲོལ་མ་ཚེ་རིང་མཆོག་གདན་ཞུ་གནང་བར་ལྟར་། ཕྱི་ཚེས་༧ ཉིན་ཨི་ཊ་ལི་རྒྱལ་ས་རོམ་དུ་ཕེབས་ཐོན་གནང་གི་ཡོད་པ་དང་། ཕྱི་ཟླ་ ༣ ཚེས་ ༩ ཉིན་ཨི་ཊ་ལི་གྲོས་ཚོགས་གོང་མའི་ཚོགས་ཁང་ཞིག་གི་ནང་ཡུ་རོབ་རྒྱལ་ཁབ་ཀྱི་ཆབ་སྲིད་མི་སྣ་དང་། བོད་དོན་རྒྱབ་སྐྱོར་བ། མཁས་དབང་སོགས་གདན་ཞུས་གནང་སྟེ་བོད་དོན་གསུང་བཤད་དང་། གསར་འགོད་གསལ་བསྒྲགས་བཅས་གནང་གཏན་འཁེལ་འདུག འདི་དང་འབྲེལ་ནས་དེ་རིང་གླེང་མོལ་གྱི་ལས་རིམ་ཐོག་བགྲོ་གླེང་ཞུ་གི་ཡིན། དེ་རིང་སྐུ་མགྲོན་ནང་ཨི་ཊ་ལི་བོད་མིའི་སྤྱི་མཐུན་ཚོགས་པའི་ཚོགས་གཙོ་ཚེ་བརྟན་ལགས་དང་། ཚོགས་གཞོན་ཆོས་གྲུབ་ཚེ་རིང་ལགས། དེ་བཞིན་འཇར་མ་ཎི་བོད་མིའི་སྤྱི་མཐུན་ཚོགས་པའི་ཚོགས་གཙོ་བསྟན་འཛིན་ཡེ་ཤེས་ལགས་བཅས་གསུམ་གདན་འདྲེན་ཞུས་ཡོད། Mass gathering to mark European Tibetan Uprising Day in Rome, Italy. Host:Tashi Wangchuk Producer:Nordhey Dolma