བརྙན་འཕྲིན་གསར་འགྱུར། ༢༠༢༢།༠༤།༡༤།

༡) ༧གོང་ས་༧སྐྱབས་མགོན་ཆེན་པོ་མཆོག་དང་ཐོུང་མ་ཡིན་པའི་བླ་སློབ་ཀྱི་འབྲེལ་བ་ཡོད་པ་རྣམས་ཚེ་རབས་ནས་ཚེ་རབས་འཕགས་པ་སྤྱན་རས་གཟགིས་ཀྱི་རྗེས་སུ་བཟུང་ངེས་ཡིན་པ་༧སྐུ་བཅར་རྣམ་རྒྱལ་གྲྭ་ཚང་གི་དགེ་འདུན་པ་ཁག་ཅིག་གི་མཇལ་ཁའི་སྐབས་བཀའ་བསྩལ་འདུག ༢) ཨ་རིའི་ཕྱི་སྲིད་ལས་ཁུངས་ཀྱིས་ ༢༠༢༡ ལོའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་སྙན་ཐོ་བཏོན་པའི་ནང་། རྒྱ་ནག་གཞུང་གིས་བོད་ནང་འཆར་གཞི་དང་གོ་རིམ་ལྡན་པའི་སྒོ་ནས་དྲག་གནོན་བྱེད་བཞིན་ཡོད་པ་གསལ་སྟོན་བྱས་པ། ༣) སྲིད་སྐྱོང་སྤེན་པ་ཚེ་རིང་མཆོག་གིས་མན་སྤར་ཕན་བདེ་གླིང་གཞིས་ཆགས་སུ་ཕྱོགས་ཕེབས་སྐབས། བོད་མི་ཚོས་༧གོང་ས་མཆོག་གི་བཀའ་དགོངས་ཇི་བཞིན་བསྒྲུབ་ཐབས་ལ་འབད་བརྩོན་དགོས་པ་ནན་བརྗོད་གནང་འདུག