བརྙན་འཕྲིན་གསར་འགྱུར། ༢༠༢༣།༠༤།༢༢

བརྙན་འཕྲིན་གསར་འགྱུར། ༢༠༢༣།༠༤།༢༢། ཐེངས་འདིའི་བརྙན་འཕྲིན་གསར་འགྱུར་ནང་། · ༧གོང་ས་༧སྐྱབས་མགོན་ཆེན་པོ་མཆོག་གིས་རྒྱ་གར་དབུས་གཞུང་གིས་གོ་སྒྲིག་ཞུས་པའི་གོ་ལའི་ནང་པའི་ལྷན་ཚོགས་ཐེངས་དང་པོར་དབུ་བཞུགས་མཛད་དེ། དཔྱད་སྒོམ་དང་འཇོག་སྒོམ་ཟུང་སྦྲེལ་གྱི་སྒོ་ནས་བྱང་ཆུབ་ཀྱི་སེམས་དང་སྟོང་པ་ཉིད་ཀྱི་ལྟ་བར་ཉམས་ལེན་བྱ་དགོས་པའི་བཀའ་སློབ་གནང་འདུག · ཁེ་ན་ཌའི་གྲོས་ཚོགས་ཀྱི་འཐུས་མི་ ཨ་རིཕ་ཝི་ར་ནི་ལགས་ཀྱིས་ཁེ་ན་ཌའི་གྲོས་ཚོགས་སུ་༧ཀུན་གཟིགས་༧པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་གློད་བཀྲོལ་ཐོངས་དགོས་པ་དང་བོད་ནང་གི་འགྲོ་བ་མིའི་ཐོབ་ཐང་རྩིས་མེད་གཏོང་རྒྱུ་མཚམས་འཇོག་དགོས་པ་གསུངས་འདུག · ཨ་རིའི་ཤི་ཁ་གོ་གྲོང་ཁྱེར་དང་དེ་མིན་སུད་སི་བཅས་འཛམ་གླིང་ས་གནས་འདྲ་མིན་ནང་བོད་མི་ཚོས་རྔམ་སྟོན་ལས་འགུལ་གནང་སྟེ། ༧གོང་ས་༧སྐྱབས་མགོན་ཆེན་པོ་མཆོག་ལ་མཚན་སྨད་ཞུས་པའི་གནད་དོན་ཐད་བརྒྱུད་ལམ་ཁག་གིས་དགོངས་སེལ་ཞུ་དགོས་པའི་དགོས་འདུན་བཏོན་འདུག་ལ། བརྒྱུད་ལམ་ཁག་ཅིག་གིས་གྲོས་བསྡུར་བྱ་རྒྱུའི་ཁས་ལེན་བྱས་འདུག Anchor: Tashi Wangchuk Producer: Yeshi Tashi