བརྙན་འཕྲིན་གསར་འགྱུར། ༢༠༢༤།༠༤།༢༥

༸གོང་ས་༸སྐྱབས་མགོན་ཆེན་པོ་མཆོག་བལ་ཡུལ་ནང་ཞབས་སོར་འཁོད་ཐུབ་པ་ཡིན་ན་བལ་ཡུལ་དེ་བཞིན་ཞི་བདེ་བག་ཕེབས་དང་འཆམ་མཐུན་མཉམ་གནས་ཀྱི་རྒྱལ་ཁབ་ཞིག་དུ་འགྱུར་ངེས་ཡིན་པ་བལ་ཡུལ་ནས་བཞུགས་སྒར་དུ་ཆེད་བཅར་དད་ལྡན་པ་ཞིག་གིས་ངོས་འཛིན་གནང་གི་འདུག ཨ་རིའི་ཕྱི་སྲིད་ལས་ཁུངས་ཀྱིས་༧གོང་ས་༧སྐྱབས་མགོན་ཆེན་པོ་མཆོག་གིས་ངོས་འཛིན་གནང་པའི་པཎ་ཆེན་རིན་པོ་ཆེའི་གནས་སྟངས་དང་སྐུ་ཁམས་གསལ་བཞུགས་ཡིན་མིན་ཐད་རྒྱ་ནག་གཞུང་གིས་ཡོངས་ཁྱབ་ཐོག་ནས་བདེན་དཔང་ར་སྤྲོད་གནང་དགོས་པའི་འབོད་སྐུལ་གནང་འདུག བཞུགས་སྒར་རྡ་རམ་ས་ལ་གཙོ་བོར་གྱུར་བའི་བོད་མི་གནས་ཡུལ་གང་སར་༧ཀུན་གཟིགས་པཎ་ཆེན་རིན་པོ་ཆེ་མཆོག་དགུང་གྲངས་ ༣༥ ཕེབས་པའི་སྐུའི་འཁྲུངས་སྐར་སྲུང་བརྩི་ཞུས་འདུག པན་ཆེན་རིན་པོ་ཆེ་དང་ཁོང་གི་ཡབ་ཡུམ་སྐུ་འཁོར་དང་བཅས་པ་གར་སོང་ཆར་མེད་དུ་གྱུར་ནས་ལོ་ངོ་ ༢༩ འགྲོ་བཞིན་ཡོད་པ་རེད། Anchor:Kalden Lodoe Producer: Nordhey Dolma