བརྙན་འཕྲིན་གསར་འགྱུར། ༢༠༢༣།༠༣།༢༥

ཐེངས་འདིའི་བརྙན་འཕྲིན་གསར་འགྱུར་ནང་། ༡ ༧གོང་ས་༧སྐྱབས་མགོན་ཆེན་པོ་མཆོག་གིས་ཧར་ཝརཌི་གཙུག་ལག་སློབ་ཆེན་གྱི་འགོ་ཁྲིད་དང་བདེ་སྐྱིད་ཚན་པའི་དགེ་སློབ་ཁག་ལ་བཀའ་སློབ་བསྩལ་གནང་མཛད་སྐབས། འགྲོ་བ་མིའི་མི་ཚེ་ནང་བྱམས་བརྩེ་དང་བརྩེ་སེམས་ནི་གལ་ཆེ་ཤོས་ཡིན་པ་བཀའ་སློབ་བསྩལ་འདུག ༢ ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང་ཁྲིམས་ཞིབ་པ་གཞན་གཉིས་བསྐོ་གཞག་གི་འོས་ཆོས་ཆ་རྐྱེན་དང་འབྲེལ་བའི་གཞུང་འབྲེལ་བཅའ་ཁྲིམས་བསྐྱར་བཅོས་ཀྱི་ཁྲིམས་འཆར་ཡིག་ཆ་ཨང་༡༩ དང་དམ་འབུལ་ཞུ་ཡུལ་གྱི་དཀའ་ངལ་སེལ་ཆེད་ཁྲིམས་འཆར་ཡིག་ཆ་ཨང་ ༢༠ པ་བཏོན་པ་གཉིས་ཀ་སྤྱི་འཐུས་ལྷན་ཚོགས་ཀྱི་རྩ་འབོར་གསུམ་ཆ་གཉིས་མ་ལོན་སྟབས་ཟགས་ཡོད་པ་རེད། ༣ དཔལ་༧རྒྱལ་དབང་ཀརྨ་པ་རིན་པོ་ཆེ་མཆོག་རྒྱ་གར་ནང་ཆིབས་སྒྱུར་གནང་ཐུབ་རྒྱུའི་ཆེད་རྒྱ་གར་གཞུང་གིས་ཐུགས་འཁུར་ཡོང་བའི་ཁོར་ཡུག་ཡག་པོ་ཞིག་སྐྲུན་དགོས་པ་མཚོན་ལས་དོན་ཞུ་སྒོ་ཁག་གནང་མུས་ཡིན་ཞེས་སྲིད་སྐྱོང་མཆོག་གིས་སྤྱི་འཐུས་གྲོས་ཚོགས་སུ་ལེན་འདེབས་གནང་འདུག Anchor: Tashi Wangchuk Producer: Yeshi Tashi