བརྙན་འཕྲིན་གསར་འགྱུར། ༢༠༢༡།༠༥།༠༦

༡༽ སེམས་ཁམས་ཚན་རིག་པའི་ཆེས་མཐོའི་ལྷན་ཚོགས་ཉིན་གསུམ་པར་༧གོང་ས་༧སྐྱབས་མགོན་ཆེན་པོ་མཆོག་གིས་སེམས་ཀྱི་འཕྲོད་བསྟེན་བཟང་ཤོས་ནི་བྱམས་བརྩེའི་ནུས་པ་འཕེལ་རྒྱས་གཏོང་རྒྱུ་དེ་ཡིན་པ་བཀའ་གནང་པ། ༢) ཤག་རོང་པོ་གེ་སོ་སྲ་བྷ་གྲོང་ནས་ཡིན་པ་བོད་ཀྱི་ཆབ་སྲིད་བཙོན་པ་ནོར་བཟང་ལགས་ཉེ་ལམ་འདས་གྲོངས་སུ་ཕྱིན་འདུག ༣) བོད་ནི་གསར་འགོད་རང་དབང་གི་ཐོག་ནས་འཛམ་གླིང་ནང་གནས་སྟངས་སྡུག་ཤོས་སུ་མུ་འཐུད་གནས་ཡོད་པ་་ཨ་རིའི་རང་དབང་ཁང་པས་ངོས་འཛིན་བྱེད་བཞིན་པ་རེད།