བརྙན་འཕྲིན་གསར་འགྱུར། ༢༠༢༤།༡༢།༢༨

ཐེངས་འདིའི་བརྙན་འཕྲིན་གསར་འགྱུར་ནང་། · སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་རྒྱ་གར་གྱི་སྲིད་བློན་ཟུར་པ་སྐུ་ཞབས་མན་མོ་ཧན་སིངྷ་མཆོག་དགོངས་པ་རྫོགས་པར་ཐུགས་གསོའི་གསུང་འཕྲིན་སྩལ་འདུག · རྒྱ་ནག་གཞུང་གིས་ཡར་ཀླུང་གཙང་པོར་འཛམ་གླིང་གི་ཆུ་རགས་ཆེ་ཤོས་འཛུགས་འཆར་དེས་ས་ཁུལ་དེའི་ཡུལ་མི་གནས་སྤོ་དང་ཁྱིམ་མཚེས་རྒྱལ་ཁབ་ཁག་ལ་ཁོར་ཡུག་གནོད་སྐྱོན་གྱི་ཐད་ནས་ཤུགས་རྐྱེན་འབྱུང་རྒྱུ་ཡིན་པ་བརྗོད་བྱུང་། · སེར་རྟ་བླ་རུང་ལྔ་རིག་ནང་བསྟན་སློབ་གླིང་དུ་རྒྱ་ནག་གཞུང་གིས་དམག་མི་ ༤༠༠ ཙམ་འགྲེམས་འཇོག་བྱས་ཤིང་། ཕྱི་ལོ་ ༢༠༢༥ ནས་བཟུང་དགེ་འདུན་པ་དང་བཙུན་མ་རྣམས་དུས་ཡུན་ལོ་ ༡༥ ལས་ལྷག་སྡོད་མི་ཆོག་པ་བཟོ་རྒྱུ་ཡིན་པ་བསྒྲགས་འདུག · གླེང་མོལ་གྱི་ལེ་ཚན་ནང་། བོད་མིའི་སྒྲིག་འཛུགས་ཀྱི་མགྲིན་ཚབ་པ་དང་ཕྱི་དྲིལ་དྲུང་འཕར་བསྟན་འཛིན་ལེགས་བཤད་ལགས་དང་ལྷན་བོད་དོན་ཞུ་གཏུག་གི་གནས་བབ་དང་དེའི་གལ་གནད་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་རྡ་རམ་ས་ལའི་ས་ཁུངས་ཀྱི་རྩོམ་སྒྲིག་འགན་འཛིན་བདེ་སྐྱིད་ཀུན་སྒྲོལ་ལགས་ཀྱིས་གླེང་མོལ་ཞུས་ཡོད། Reporter: Tashi Wangchuk Producer: Yeshi Tashi