ក្រសួងមហាផ្ទៃ «បរាជ័យធ្វើឱ្យភូមិឃុំមានសុវត្ថិភាព» ស្របពេលកើនឡើងបញ្ហាក្មេងទំនើងនិងគ្រឿងញៀន

អ្នកសិក្សាបញ្ហាសង្គមលើកឡើងថា ក្រសួងមហាផ្ទៃបានបរាជ័យក្នុងការអនុវត្តគោលនយោបាយភូមិ-ឃុំមានសុវត្ថិភាព ឱ្យមានប្រសិទ្ធភាព។ ការលើកឡើងនេះ ក្រោយពីរដ្ឋមន្ត្រីក្រសួងមហាផ្ទៃលោក ស សុខា កាលពីថ្ងៃទី២៧ ខែធ្នូ បានចេញសេចក្ដីណែនាំ១១ចំណុច ស្ដីពីការផ្សព្វផ្សាយព័ត៌មានសន្តិសុខសណ្ដាប់ធ្នាប់សង្គមសម្រាប់មន្ត្រីក្នុងក្របខ័ណ្ឌក្រសួងមហាផ្ទៃ ឱ្យពង្រឹងបន្ថែមនូវក្រមសីលធម៌ វិជ្ជាជីវៈ ដើម្បីការពារសុវត្ថិភាពជូនពលរដ្ឋ ស្របពេលកំពុងកើនឡើងបញ្ហាក្មេងទំនើង និងបញ្ហាគ្រឿងញៀន។