ຊາວລາວ ໄປຕໍ່ແຖວ ເຮັດໜັງສືຜ່ານແດນ Passport

ຊາວລາວຈຳນວນຫຼາຍຮ້ອຍຄົນ ຈາກແຂວງຕ່າງໆ ພາກັນໄປຕໍ່ແຖວ ຢ່າງຍາວຢຽດ ເພື່ອລໍຖ້າເຮັດພາສປອດ. ໃນແຕ່ລະມື້, ມີຄົນມາຕໍ່ແຖວ ປະມານ 500-600 ຄົນ, ແຕ່ພາກສ່ວນທີ່ກ່ຽວຂ້ອງ ສາມາດຮັບເອກສານໄດ້ພຽງ 250 ຫາ 300 ຄົນ. ມີບາງຄົນ ເຖິງຂັ້ນມາກາງມຸ້ງນອນ ຕາມຂ້າງທາງ ເພື່ອໃຫ້ທັນຕໍ່ຄິວ ໃນຕອນເຊົ້າ ຂອງມື້ຕໍ່ໄປ. ສ່ວນໃຫຍ່ແລ້ວ ແມ່ນກຸ່ມຄົນໃນວັຍແຮງງານ ທີ່ມີແຜນຈະເດີນທາງໄປປະເທດໄທຍ ເພື່ອຊອກວຽກເຮັດງານທຳ ທີ່ມີລາຍໄດ້ທີ່ສູງກວ່າ