ຍື່ນຈົດໝາຍ ໜ້າສະຖານທູຕລາວ ໃນໄທຍ ທວງໃຫ້ຊອກຫາ ທ່ານ ສົມບັດ

ວັນທີ 15 ທັນວາ 2022 ນີ້, ກຸ່ມ Sombath Somphone & Beyond Project (SSBP) ແລະ ເຄືອຂ່າຍພາກປະຊາສັງຄົມ ໃນໄທຍ ແລະ ພາກພື້ນ ພ້ອມເຄືອຂ່າຍຄົນຣຸ້ນໃໝ່ ເພື່ອການປ່ຽນແປງສັງຄົມ ຂອງໄທຍ ໄດ້ເດີນທາງໄປຍັງສະຖານເອກອັຄຣັຖທູຕລາວ ປະຈຳນະຄອນຫຼວງບາງກອກ ເພື່ອຍື່ນຈົດໝາຍເປີດຊອງ ເຖິງຣັຖບານລາວ ໃນວາຣະຄົບຮອບ 10 ປີ ທີ່ທ່ານ ສົມບັດ ສົມພອນ ຖືກລັກພາໂຕ ແລ້ວບັງຄັບໃຫ້ຫາຍສາບສູນໄປ. ພາຍຫຼັງທີ່ມີການອ່ານຈົດໝາຍເປີດຊອງ ສບັບດັ່ງກ່າວແລ້ວ, ທາງເຄືອຂ່າຍ ກໍໄດ້ຮ່ວມກັນກ່າວຄຳວ່າ “ສົມບັດ ສົມພອນ Where are you?” ເປັນຈຳນວນ 10 ຄັ້ງ ເພື່ອລໍຖ້າຜູ້ແທນ ຈາກສະຖານທູຕລາວ, ແຕ່ພັດບໍ່ມີບຸກຄົນໃດ ອອກມາຮັບໜັງສື.