བརྙན་འཕྲིན་གསར་འགྱུར། ༢༠༢༥།༠༣།༠༦

༡) ༧གོང་ས་༧སྐྱབས་མགོན་ཆེན་པོ་མཆོག་གིས་ད་དུང་ལོ་མང་སྐུ་ཚེ་ཡུན་དུ་བརྟན་ཏེ་འཛམ་གླིང་སྤྱི་དང་ལྷག་པར་རྒྱ་ནག་ནང་གི་ནང་ཆོས་དོན་གཉེར་ཅན་ཚོར་ཕན་ཐོགས་མཛད་ཐུབ་པའི་ཐུགས་རེ་གནང་གི་ཡོད་པ་བརྟན་བཞུགས་བསྟར་འབུལ་སྐབས་བཀའ་སྩལ་འདུག ༢) ཨ་རིའི་ཕྱི་སྲིད་ལས་ཁུངས་སུ་བོད་ཀྱི་ལོ་གསར་ཐེངས་ ༡༡ པ་སྲུང་བརྩི་ཞུས་ཤིང་། ཨ་རིས་བོད་དོན་ཐོག་ལ་རྒྱབ་སྐྱོར་གནང་རྒྱུ་དེས་ཨ་རིའི་རང་ཉིད་ཀྱི་ནུས་པ་དང་། འཕེལ་རྒྱས། བརྟན་ལྷིང་ལ་ཕན་ནུས་སྐྲུན་གྱི་ཡོད་རེད་ཅེས་གསུངས་སོང་། ༣) ཨ་རིས་བོད་བརྒྱུད་ནང་བསྟན་གྱི་རིག་དངོས་རྒྱ་ནག་ལ་ཕྱིར་སྤྲོད་བྱས་པ་དེ་རྒྱལ་སྤྱིའི་འགྲེམས་སྟོན་ལྷན་ཚོགས་ཀྱི་དམིགས་ཡུལ་དང་འགལ་གྱི་ཡོད་པ་རིག་དངོས་ཆེད་ལས་མཁས་པ་ཚོས་གསུངས་བྱུང་། ༤) རྒྱལ་སྤྱིའི་བོད་ཀྱི་འབྲེལ་མཐུད་ལས་ཁང་གི་ལས་འཆར་དང་ཁོར་ཡུག་འབྲེལ་མཐུད་པ་བློ་བཟང་དབྱངས་མཚོ་ལགས་དང་ལྷན་དུ། བོད་དོན་ཞུ་གཏུག་ལས་དོན་སྤེལ་ཕྱོགས་སྤྱི་དང་། བྱེ་བྲག་ཏུ་ཉེ་ལམ་ཐེ་ཝན་ནང་སྤེལ་བའི་ལས་འགུལ་སྐོར་གླེང་མོལ་ཞུས་པ་བཅས་རྒྱང་བསྲིངས་ཞུ་རྒྱུ་ཡོད། ཨེ་ཤེ་ཡ་རང་དབང་རླུང་འཕྲིན་གྱི་བརྙན་འཕྲིན།༢༠༢༥།༠༣།༠༦ RFA Tibetan TV –03/06/25 Anchor : Tashi Wangchuk Producer : Nordon