មេដឹកនាំរបបក្រុងភ្នំពេញ លោក ហ៊ុន សែន ស្នើសុំនាយករដ្ឋមន្ត្រីឡាវ បញ្ជាក់ជំហរ ក្នុងករណីផ្ដល់ដីឱ្យលោក សម រង្ស៊ី វិលចូលកម្ពុជា តាមច្រកព្រំដែនឡាវ ក្នុងករណីការចរចាព្រំដែនមានជម្លោះមិនបានសម្រេច។ រីឯនាយករដ្ឋមន្ត្រីឡាវ អះអាងថា មិនឱ្យនរណាម្នាក់ប្រើប្រាស់ទឹកដីឡាវ ដើម្បីប្រឆាំងប្រទេសមួយទៀតឡើយ ហើយឡាវនឹងចាប់ខ្លួន អ្នកមានសាលដីកាតុលាការ បើហ៊ានចូលប្រទេសឡាវ។
លោក ហ៊ុន សែន រំពឹងថា រដ្ឋាភិបាលឡាវនឹងមិនយកជម្លោះព្រំដែនរវាងប្រទេសទាំងពីរ ជាចំណាប់ខ្មាំង ដើម្បីផ្ដល់ទីតាំងឱ្យលោក សម រង្ស៊ី ចុះចតយន្តហោះវិលចូលកម្ពុជាឡើយ។ លោក ហ៊ុន សែន ក៏បានស្នើសុំនាយករដ្ឋមន្ត្រីឡាវ លោក ថងលូន ស៊ីសូលីត (Thongloun Sisoulith) ឱ្យថ្លែងពីជំហរឡាវច្បាស់លាស់ក្នុងករណីនេះដែរ។ មេដឹកនាំរបបក្រុងភ្នំពេញរូបនេះ ឱ្យដឹងទៀតថា របបលោក បានផ្ញើសាលដីកាតុលាការ ទៅតាមបណ្ដាប្រទេសក្នុងអាស៊ានឱ្យចាប់ខ្លួនលោក សម រង្ស៊ី អស់ហើយ គឺនៅរងចាំតែលោក សម រង្ស៊ី វិលតាមការប្រកាសប៉ុណ្ណោះ។ «»
ការថ្លែងឡើងបែបនេះ គឺលោក ហ៊ុន សែន ប្រតិកម្មទៅនឹងអ្នកសិក្សាស្រាវជ្រាវការអភិវឌ្ឍ និងសង្គម បណ្ឌិត មាស នី ដែលសង្កេតឃើញថា រដ្ឋាភិបាលកម្ពុជាទំនងមានអារម្មណ៍ភ័យខ្លាចឡាវ យកជម្លោះព្រំដែនជាចំណាប់ខ្មាំង ឱ្យលោក សម រង្ស៊ី វិលចូលស្រុក ទើបតែងតែបញ្ជូនមន្ត្រីទៅចរចាញឹកញាប់ ជាមួយរដ្ឋាភិបាលឡាវ រាល់ពេលមានជម្លោះព្រំដែនទាំងពីរលើក។
លោកបណ្ឌិត មាស នី បានផ្ដល់បទសម្ភាសន៍ឱ្យអាស៊ីសេរី កាលពីថ្ងៃទី៥ កញ្ញាថា លោកសង្កេតឃើញរាល់ដង ឱ្យតែសភាពការណ៍ព្រំដែនកម្ពុជាឡាវ មានភាពតានតឹង រដ្ឋាភិបាលតែងប្រញាប់បញ្ជូនមន្ត្រីទៅចរចាដល់ក្រុងវៀងចន្ទន៍ តែមិនសូវឃើញវត្តមានភាគីឡាវ មកចរចាដល់ក្រុងភ្នំពេញឡើយ។ លោកថា ស្ថានការណ៍នេះ អាចទំនងជារដ្ឋាភិបាលកម្ពុជាព្រួយបារម្ភរឿងអ្វីម្យ៉ាង ពិសេស គឺការផ្ដល់ជម្រកឱ្យមេបក្សប្រឆាំងចុះចតយន្តហោះ វិលចូលកម្ពុជាវិញ។ «»
ឆ្លើយតបនឹងការស្នើសុំរបស់ លោក ហ៊ុន សែន លោក ថងលូន ស៊ីសូលីត មានប្រសាសន៍ថា បុគ្គលដែលមានទោសមកឆ្លងប្រទេសឡាវ ដើម្បីយកឡាវជាកន្លែងឆ្លងកាត់ទៅបំផ្លាញប្រទេសផ្សេង ទោះសញ្ជាតិណា ក៏នឹងត្រូវមានចំណាត់ការផ្លូវច្បាប់ដែរ។ លោក ថងលូន ស៊ីសូលីត បញ្ជាក់តាមរយៈអ្នកប្រែថា រដ្ឋាភិបាលឡាវនឹងធ្វើការម៉ត់ចត់ មិនឱ្យកើតមានបញ្ហានេះឡើយ៖ «មេដឹកនាំបក្សប្រឆាំង គឺ លោក សម រង្ស៊ី បានប្រកាសថា លោកនឹងដឹកនាំកម្លាំងមហាជនចូលស្រុកខ្មែរវិញ នៅថ្ងៃទី៩ ខែវិច្ឆិកា ដើម្បីផ្លាស់ប្ដូរលោក ហ៊ុន សែន ចេញពីអំណាច។ បច្ចុប្បន្នក្រុមអ្នកដឹកនាំគណបក្សសង្គ្រោះជាតិ កំពុងដើរកៀរគរ អ្នកប្រជាធិបតេយ្យ និងពលរដ្ឋឱ្យចូលរួមសកម្មភាពតវ៉ាជាមួយលោក សម រង្ស៊ី។
ទោះយ៉ាងណា គណបក្សសង្គ្រោះជាតិ មិនទាន់ប្រាប់ថា លោក សម រង្ស៊ី នឹងវិលចូលកម្ពុជាវិញ តាមច្រកណាទេ ព្រោះលោក សម រង្ស៊ី អះអាងថា លោកចង់ឱ្យរបបក្រុងភ្នំពេញវិលក្បុង ពិសេស គឺចង់ឱ្យលោក ហ៊ុន សែន ឆ្កួត ដោយសារភាពភ័យខ្លាច។ តែអនុប្រធានគណបក្សសង្គ្រោះជាតិ លោក អេង ឆៃអ៊ាង ប្រាប់ថា គណបក្សប្រឆាំងនឹងបង្ហាញតម្រាយផ្លូវលោក សម រង្ស៊ី វិលចូលកម្ពុជាវិញ មុន ៣ថ្ងៃ ដើម្បីឱ្យពលរដ្ឋមកទទួលលោក សម រង្ស៊ី។
បើទោះជាលោក ហ៊ុន សែន អះអាងថា បានផ្ញើសាលដីកាឱ្យបណ្ដាប្រទេសអាស៊ាន ឱ្យជួយចាប់ខ្លួនលោក សម រង្ស៊ី រួចហើយក្ដី តែលោក សម រង្ស៊ី បានទៅប្រទេសសេរីចំនួន ៣ នៅអាស៊ាន ដោយគ្មានការចាប់ខ្លួនអ្វីទាំងអស់ គឺប្រទេសឥណ្ឌូណេស៊ី ប្រទេសម៉ាឡេស៊ី និងប្រទេសសិង្ហបុរី កាលពីពេលថ្មីៗ នេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។