ប្រធានចលនារណសិរ្សរំដោះជាតិខ្មែរលោក សម សេរី ដែលត្រូវបានអាជ្ញាធរថៃឃាត់ខ្លួន កាលពីថ្ងៃទី២៥ មេសា ហើយរបបក្រុងភ្នំពេញស្នើសុំឲ្យបញ្ជូនមកកម្ពុជាវិញនោះ បានទៅដល់ប្រទេសដាណឺម៉ាកវិញ នៅថ្ងៃសុក្រទី២៧ មេសា។
លោក សម សេរី បានថ្លែងអំណរគុណដល់រដ្ឋាភិបាលប្រទេស ដាណឺម៉ាក អង្គការឃ្លាំមើលសិទ្ធិមនុស្សអន្តរជាតិ Human Rights Watch និងអាជ្ញាធរថៃ ដែលបានអន្តរាគមន៍យកលោកចេញពីប្រទេសថៃដោយសុវត្ថិភាព ទោះបីមន្រ្តីស្ថានទូតខ្មែរ ប្រចាំទីក្រុងបាងកក ដែលព្យាយាមស្នើសុំឲ្យអាជ្ញាធរថៃបញ្ជូនខ្លួនលោក ទៅប្រទេសកម្ពុជាវិញយ៉ាងណាក៏ដោយ។
តុលាការរបបលោក ហ៊ុន សែន កាលពីឆ្នាំ២០១៦ បានកាត់ទោសកំបាំងមុខ ឲ្យលោក សម សេរី ប្រធានចលនារណសិរ្សរំដោះជាតិខ្មែរ រូបនេះ ជាប់ពន្ធនាគារយៈពេល ៩ឆ្នាំ ពីបទប៉ុនប៉ងផ្តួលរំលំរដ្ឋាភិបាលកម្ពុជា។
វិទ្យុអាស៊ីសេរី បានភ្ជាប់ប្រព័ន្ធ Skype ជាមួយលោក សម សេរី ដើម្បីបកស្រាយបន្ថែមអំពីការឃាត់ខ្លួនលោកក្នុងប្រទេសថៃនោះ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។