លោក សម រង្ស៊ី ប្រធានស្ដីទីគណបក្សសង្គ្រោះជាតិ បានចូលរួមជាមួយប្រជាពលរដ្ឋខ្មែរនៅក្រុងប៉ារីសប្រទេសបារាំងតវ៉ាប្រឆាំងនឹងការចាប់ខ្លួនលោក រ៉ុង ឈុន ក្រុមយុវជនជាសកម្មជនបរិស្ថាន ក្រុមយុវជនខ្មែរថាវរៈនៅក្នុងបរិវេណ វត្តធម្មរង្សី ក្រុងប៉ារីស នៅថ្ងៃទី១៣ កញ្ញា។
បុរសម្នាក់ក្នុងចំណោមអ្នកតវ៉ាជាច្រើននាក់ផ្សេងទៀត ក្នុងនោះមានទាំងលោក សម រង្ស៊ី ផង បានស្រែកបន្ទរតាមគ្នាដោយទាមទារឲ្យរបបលោកហ៊ុន សែន ដោះលែង អ្នកទោសមនសិការទាំងអស់មកវិញឲ្យបានឆាប់៖ « ពួកយើងនៅប្រទេសបារាំង និងខ្មែរក្នុងស្រុក ក្រៅស្រុកដទៃទៀត មិននៅស្ងៀមទេ គឺរួមគ្នាតស៊ូទាមទារឲ្យដោះលែងសកម្មជនទាំងអស់ឲ្យមានសេរីភាពមកវិញ និងត្រូវគោរពសិទ្ធិប្រជាពលរដ្ឋ និងឲ្យប្រទេសកម្ពុជាមានប្រជាធិបតេយ្យឡើងវិញ »។
ការតវ៉ានេះពួកគាត់នាំគ្នាលើកបដាដោយមានរូបថត លោក រ៉ុង ឈុន និងអ្នកជាប់ឃុំផ្សេងទៀត បន្ទាប់ពីចូលរួមពិធីបុណ្យកាន់បិណ្ឌនៅវត្តធម្មរង្សីនោះ។
ចំណែក លោក សម រង្ស៊ី មិនថ្លែងសារនយោបាយអ្វីច្រើនឡើយ ក្រៅពីរំលឹកនូវវីរភាពរបស់បុព្វបុរសខ្មែរ ដែលមានគុណ ចំពោះប្រទេសជាតិ តាំងពីសម័យមហានគរ និងសម័យក្រោយៗ មកទៀត មានដូចជា ព្រះបាទជ័យវរ្ម័នទី៧ ឧកញ៉ា ឃ្លាំងមឿង អាចារ្យ ហែម ចៀវ និងឧកញ៉ា ក្រឡា ហោមគង់ ជាដើម។
ហេ្វសប៊ុក ឈ្មោះ មនោ ទេព (Mono Tep) បានសរសរផុសភ្ជាប់មកជាមួយនឹងវីដេរអូឃ្លិបស្ដីពីសកម្មភាពតវ៉ានោះដែរថា៖
សមាជិកព្រឹទ្ធសភាបារាំងលោក André Gattolin ក៏បានអញ្ជើញមកចូលរួមសម្តែងការគាំទ្រឱ្យដោះលែងលោក រ៉ុង ឈុន និងសកម្មជនទាំងអស់ដោយឥតលក្ខខណ្ឌ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។