អ្នកនាំពាក្យគណបក្សប្រជាជនកម្ពុជា និងជាសមាជិកព្រឹទ្ធសភា លោក សុខ ឥសាន្ត អះអាងថា លោក ហ៊ុន សែន ប្រធានព្រឹទ្ធសភា ចង់បង្កើតច្បាប់ដាក់ក្រុមមនុស្ស ឬអង្គការចាត់តាំងមួយចំនួនទៅក្នុងក្រុមភេរវកម្ម គឺដោយសារតែលោក សម រង្ស៊ី និងបក្ខពួក បានធ្វើចលនានៅក្រៅប្រទេស ដែលលោកចោទថា ជាចលនាឧទ្ទាមក្រៅច្បាប់។
ការលើកឡើងរបស់លោក សុខ ឥសាន នេះ នៅស្របពេល លោក ហ៊ុន សែន បានថ្លែងម្ដងជាពីរដងថា លោកនឹងស្នើបង្កើតច្បាប់ ដាក់ក្រុមមនុស្សមួយចំនួនទៅក្នុងក្រុមភេរវកម្ម។
លោក ហ៊ុន សែន បានចោទថា មេដឹកនាំគណបក្សប្រឆាំងនៅក្រៅប្រទេសចង់យករឿងកោះគជ់នេះ មកដឹកនាំធ្វើបាតុកម្ម។
លោក ហ៊ុន សែន បានព្រមានចំពោះគម្រោងចង់ធ្វើបាតុកម្មរឿងកោះគជ់នេះថា ជារឿងភេរវកម្ម។
សូមលោកអ្នកនាងចុចស្ដាប់សំឡេងនៃបទសម្ភាសន៍រវាងលោក ទីន ហ្សាការីយ៉ា និងលោក សុខ ឥសាន អ្នកនាំពាក្យគណបក្សប្រជាជនកម្ពុជា និងជាសមាជិកព្រឹទ្ធសភា អំពីបញ្ហានេះ..