គណៈកម្មាធិការអចិន្ត្រៃយ៍រដ្ឋសភា នៃព្រះរាជាណាចក្រកម្ពុជា ដឹកនាំដោយលោក ហេង សំរិន ប្រធានរដ្ឋសភា បានបើកកិច្ចប្រជុំបន្ទាន់មួយ នៅរសៀលម៉ោង ៣ ថ្ងៃទី២៥ ខែកក្កដា ដោយអង្គប្រជុំ បានសម្រេច ឯកភាពលើសំណើសុំប្រកាសសុពលភាពនៃអាណត្តិ របស់ លោក សម រង្ស៊ី ជាសមាជិករដ្ឋសភានីតិកាលទី៥។
បន្ថែមលើនេះ អង្គប្រជុំបានចេញសេចក្ដីប្រកាសព័ត៌មានរបស់រដ្ឋសភានៅរសៀលថ្ងៃទី២៥កក្កដានេះ ឲ្យដឹងថា រដ្ឋសភានឹងបើក កិច្ចប្រជុំពេញអង្គវិសាមញ្ញនៅថ្ងៃទី២៨ កក្កដាខាងមុខ ដើម្បីប្រកាសសុពលភាពនៃអាណត្តិរបស់ លោក សម រង្ស៊ី ជាសមាជិករដ្ឋសភានីតិកាលទី៥។
ការកំណត់កាលបរិច្ឆេទកិច្ចប្រជុំពេញអង្គរបស់រដ្ឋសភានេះធ្វើឡើងចំខួប១ឆ្នាំនៃការបោះឆ្នោតជ្រើសតាំងតំណាងរាស្ត្រនីតិកាលទី៥ កាលពីថ្ងៃអាទិត្យ ទី២៨ កក្កដា ឆ្នាំ២០១៣ ដើម្បីបញ្ចប់ភាពជាប់គាំងនយោបាយ។ ការកំណត់ពេលប្រជុំនេះគឺនៅបន្ទាប់ពីគណបក្សទាំងពីរបានចរចាបញ្ចប់ជម្លោះនយោបាយកាលពីថ្ងៃទី២២ កក្កដាកន្លងទៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។