លោកនាយករដ្ឋមន្ត្រី ហ៊ុន សែន បានព្រមាននៅព្រឹកថ្ងៃអាទិត្យនេះថា លោកនឹងបិទវិទ្យុសំឡេងប្រជាធិបតេយ្យ (VOD) នៅត្រឹមវេលាម៉ោង១០ព្រឹក ថ្ងៃទី១៣ ខែកុម្ភៈ ស្អែក ប្រសិនបើវិទ្យុនេះ មិនព្រមសូមទោស។ ការព្រមាននេះ បន្ទាប់ពីលោកបានស្នើសុំឱ្យវិទ្យុសំឡេងប្រជាធិបតេយ្យ (VOD) សូមទោសជាសាធារណៈ ក្រោយពីផ្សាយព័ត៌មានថា លោក ហ៊ុន ម៉ាណែត បានចុះហត្ថលេខា ជំនួសឪពុកលើឯកសារផ្តល់ជំនួយទៅឱ្យប្រទេសតួគីដែលរងគ្រោះដោយសារគ្រោះរញ្ជួយដី។
វិទ្យុសំឡេងប្រជាធិបតេយ្យ VOD គឺជាវិទ្យុឯករាជ្យចុងក្រោយដែលកំពុងមានវត្តមាននៅក្នុងប្រទេសកម្ពុជា ដែលខំត្រដររស់ក្រោយពីយុទ្ធនាការបិទវិទ្យុនិងប្រព័ន្ធផ្សព្វផ្សាយឯករាជ្យ ដូចជា វិទ្យុអាស៊ីសេរី (RFA) និងកាសែតឌឹខេមបូឌា ដេលី (The Cambodia Daily) កាលពីឆ្នាំ២០១៧ ជាដើម។
ទាក់ទងនឹងរឿងនេះ សូមលោកអ្នកនាងរង់ចាំស្តាប់សេចក្តីរាយការណ៍ព័ត៌មានពិស្តាររបស់វិទ្យុអាស៊ីសេរី នៅក្នុងការផ្សាយរបស់យើងនៅរាត្រីនេះ!
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។