ពលរដ្ឋខ្មែរនៅប្រទេសជប៉ុនបានដាក់ញ្ញត្តិទៅក្រសួងការបរទេសជប៉ុន កាលពីថ្ងៃទី២៣ មករា ទាមទារឲ្យរដ្ឋាភិបាលជប៉ុន អន្តរាគមន៍ទៅរដ្ឋាបាលកម្ពុជា ឲ្យបញ្ឈប់បណ្ដេញប្រជាពលរដ្ឋចេញពីតំបន់អង្គរ។
អនុប្រធានចលនាគណបក្សសង្គ្រោះជាតិ ប្រចាំនៅប្រទេសជប៉ុន អ្នកស្រី មាស ភារ៉ា ឱ្យដឹងថា ក្នុងនាមជាពលរដ្ឋខ្មែរដែលរស់នៅក្នុងប្រទេសដែលគោរពសិទ្ធិមនុស្សដូចជានៅប្រទេសជប៉ុន មិនអាចឈរមើលរដ្ឋាភិបាលកម្ពុជាធ្វើបាបប្រជាពលរដ្ឋ និងបណ្ដេញប្រជាពលរដ្ឋចេញពីតំបន់អង្គរទាំងបង្ខំបែបនេះបានឡើយ។ អ្នកស្រីទទូចដល់រដ្ឋាភិបាលជប៉ុន ដែលជាប្រទេសបានផ្ដល់ជំនួយដ៏ធំដល់រដ្ឋាភិបាលកម្ពុជានោះ ត្រូវទប់ស្កាត់រដ្ឋាភិបាលកម្ពុជា ដែលបណ្ដេញពលរដ្ឋចេញពីតំបន់អង្គរនេះ។
សូមស្ដាប់បទសម្ភាសន៍របស់លោក ទីន ហ្សាការីយ៉ា និងអ្នកស្រី មាស ភារ៉ា អំពីរឿងនេះដូចតទៅ៖