ពលរដ្ឋខ្មែរកូរ៉េខាងត្បូងប្រមាណ ៤០០នាក់ធ្វើបាតុកម្មប្រឆាំងកិច្ចសហប្រតិបត្តិការ CLV-DTA។ កម្មវិធីនេះសហការជាមួយអង្គការ សង្គមស៊ីវិល ធ្វើនៅទីក្រុងក្វាងជូ (Gwangju) នៅថ្ងៃទី២៧ ខែតុលា។ ពួកគេយល់ឃើញថា រដ្ឋាភិបាលព្យាយាមបំបិទសិទ្ធិមនុស្ស សេរីភាព លទ្ធិប្រជាធិបតេយ្យ និងការរំលោភបំពានច្បាប់រដ្ឋធម្មនុញ្ញកម្ពុជា។ ម្យ៉ាងទៀតពួកគេក៏ស្នើឱ្យរដ្ឋាភិបាលបើកចំហរឲ្យមានការធ្វើបាតុកម្ម កូដកម្មដោយអហិង្សានៅក្នុងទឹកដីកម្ពុជាដូចនៅប្រទេសសេរីជាដើម។
ពួកគេបន្តថា បាតុកម្មប្រឆាំងកិច្ចសហប្រតិបត្តិការ CLV-DTA ដោយពួកគេបារម្ភថា គម្រោងនេះនឹងធ្វើឲ្យកម្ពុជាបាត់បង់អធិបតេយ្យភាព និងការលំហូរជនអន្តោប្រវេសន៍ចូលកម្ពុជាកាន់តែច្រើន នាពេលអនាគត ហើយវាអាចក្លាយជាហានិភ័យសម្រាប់កម្ពុជា។
ក្រុមបាតុករអំពាវនាវដល់ប្រជាពលរដ្ឋខ្មែរ សិស្ស និស្សិត ស្ត្រីរៀបការប្ដីនៅប្រទេសកូរ៉េចូលរួមតវ៉ា ដើម្បីបង្ហាញការមិនពេញចិត្តចំពោះគម្រោងកិច្ចសហប្រតិបត្តិការជាមួយវៀតណាម និងឡាវ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។