កម្មករប្រមាណ៦០នាក់ដួលសន្លប់នៅក្នុងសហគ្រាសឌីន ហានក្នុងពេលបំពេញការងារនៅព្រឹកថ្ងៃទី ១៣ ខែ មិថុនា បន្ទាប់ពីបានចូលធ្វើការប្រហែល២ម៉ោង។
ប្រធានសម្ព័ន្ធសហជីពមិត្តភាពកម្មករ លោក សៀង សម្បត្តិ មានប្រសាសន៍ថាមកដល់ពេលនេះគេនៅមិនទាន់ដឹងពីមូលហេតុពិតប្រាកដដែលបណ្ដាលអោយកម្មករដួលសន្លប់បន្តបន្ទាប់គ្នានេះបាននៅឡើយទេ។ លោក សម្បត្តិបន្តថា ភាគច្រើនក្រុមកម្មករដួលសន្លប់ត្រូវបញ្ជូនតាមឡានរបស់ក្រុមហ៊ុនអោយទៅសម្រាកព្យាបាលនៅមន្ទីរពេទ្យមិត្តភាពខ្មែរ សូវៀត។
សហគ្រាសផលិតសំលៀកបំពាក់ ឌីន ហាន មានទីតាំងនៅផ្លូវដួងងៀប ក្នុងភូមិដំណាក់ធំ៣ សង្កាត់ស្ទឹងមានជ័យ។ សហគ្រាសនេះមានកម្មករបម្រើការសរុបជិត១ពាន់នាក់។
បន្ទាប់ពីមានការដួលសន្លប់នៃក្រុមកម្មករអ្នកគ្រប់គ្រងរោងចក្របានសម្រេចបិទទ្វាររោងចក្រទុកពេលអោយកម្មករបានឈប់សម្រាក និងបញ្ចៀសការដួលសន្លប់បន្ថែមទៀត។
សូមរង់ចាំស្ដាប់ និងអានព័ត៌មាននេះបន្តទៀត...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។