ប្រធានចលនាខ្មែរដើម្បីប្រជាធិបតេយ្យអ្នកស្រី មួរ សុខហួរ ប្រាប់វិទ្យុអាស៊ីសេរីថា ពិធីនេះធ្វើឡើងដើម្បីប្រមូលផ្ដុំកម្លាំងអ្នកស្នេហាជាតិខ្មែរ ចូលរួមសម្ដែងមតិទាមទារឱ្យរដ្ឋាភិបាលត្រកូលហ៊ុនស្ដារប្រជាធិបតេយ្យឡើងវិញ ដើម្បីប្រយោជន៍ជាតិ។
យើងជជែកគ្នាថា ធ្វើយ៉ាងម៉េចឱ្យប្រជាពលរដ្ឋឈប់រស់ក្នុងភាពភ័យខ្លាច។ យើងមានប្រធានបទមួយៗអីចឹង ដើម្បីឱ្យសហគមន៍ខ្មែរយើង យើងជាអ្នកតស៊ូនេះ យើងជាអ្នកកម្លាំងប្រជាធិបតេយ្យពិតប្រាកដនេះ នៅគ្រប់ស្ថាប័នគ្រប់វិស័យនេះ មកជជែកជាមួយគ្នាដោយអត់មានការលាក់លៀមទេ។ អាហ្នឹងហើយដែលធ្វើឱ្យខ្មែរយើងនៅក្នុងប្រទេសមានក្ដីសង្ឃឹម អាហ្នឹងហើយដែលធ្វើឱ្យលោក ហ៊ុន សែន ស្ដាប់ឮទៅ ហើយយើងមិនមែនជាពួកឧទ្ទាមទេ ហើយចៀសមិនផុតទេពីការបង្រួបបង្រួមជាតិ ឈានទៅរកដំណោះស្រាយ ឈានទៅរកប្រជាធិបតេយ្យជូនប្រទេសកម្ពុជា។
— អ្នកស្រី មូរ សុខហួរ
ពិធីនេះនឹងមានពលរដ្ឋខ្មែរនៅសហរដ្ឋអាមេរិក និងប្រទេសកូរ៉េខាងត្បូង ព្រមទាំងបុគ្គលសំខាន់ៗនៃប្រទេសមួយចំនួនទៀតចូលរួម។
ទាក់ទងនឹងបញ្ហានេះអ្នកនាំពាក្យគណបក្សប្រជាជនកម្ពុជា លោក សុខ ឥសាន ប្រាប់វិទ្យុអាស៊ីសេរីយ៉ាងខ្លីថា លោកមិនទាន់អាចបកស្រាយរឿងបានទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។