ក្រុមយុវជនចលនាមាតាធម្មជាតិទាំង៣រូប ដែលទៅទទួលពានរង្វាន់នៅប្រទេសស៊ុយអែត (Sweden) ត្រឡប់មកដល់ប្រទេសកម្ពុជាវិញហើយ នៅព្រឹកថ្ងៃទី២ ធ្នូ នេះ។
យុវជនទាំងបីរូបនោះ គឺកញ្ញា សុន រដ្ឋា កញ្ញា មាន លីសា និងលោក លី ចាន់តារ៉ាវុត។ ពួកគេទាំង៣នាក់ ត្រូវបានអង្គការអន្តរជាតិអញ្ជើញទៅទទួលពានរង្វាន់កម្រិតអន្តរជាតិ រ៉ាយឡាយលីហ៊ូដ (Right Livelihood) ឆ្នាំ២០២៣ ដោយផ្ទាល់នៅទីក្រុងស្តុកហូម (Stokholm) ប្រទេសស៊ុយអែត (Sweden) កាលពីថ្ងៃទី២៩ វិច្ឆិកា ។ ពានរង្វាន់នេះមានតម្លៃប្រហាក់ប្រហែលនឹងពាន់រង្វាន់ណូបែលសន្តិភាព។
លោក លី ចាន់តារ៉ាវុត ថ្លែងក្រោយពេលមកដល់ព្រលានយន្តហោះអន្តរជាតិភ្នំពេញ នៅថ្ងៃទី២ ធ្នូ ថា ពានរង្វាន់នេះជាការជំរុញលើកទឹកចិត្តដល់យុវជនការពារបរិស្ថាននៅកម្ពុជា ដែលហ៊ានជំនះប្រឆាំងការគំរាមសព្វបែបសព្វយ៉ាងពីអាជ្ញាធររដ្ឋាភិបាល ហើយមានតម្លៃលើសពីការចូលរួមការពារបរិស្ថាននៅប្រទេសកម្ពុជា ព្រោះអន្តរជាតិបានទទួលស្គាល់ថា ជាការខិតខំប្រែងតស៊ូការពារបរិស្ថានសម្រាប់ពិភពលោកទាំងមូលផងដែរ។
សូមរង់ចាំអាន និងស្ដាប់ព័ត៌មានក្នុងកម្មវិធីផ្សាយនារាត្រីនេះ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។