នាទីវេទិកាអ្នកស្ដាប់វិទ្យុអាស៊ីសេរី នៅយប់ថ្ងៃអង្គារ ទី២៨ មករា ពិភាក្សាលើប្រធានបទ៖ តើអ្វីខ្លះអាចជាឧបសគ្គរបស់ក្រុមអ្នកប្រជាធិបតេយ្យនៅក្រៅស្រុក?
ពលរដ្ឋខ្មែររស់នៅក្រៅប្រទេស តែងតែនាំគ្នារិះរកមធ្យោបាយក្នុងការបង្រួបបង្រួមអ្នកប្រជាធិបតេយ្យផង និងផ្ដួចផ្ដើមដាក់ចេញយុទ្ធសាស្ត្រផ្សេងៗ ដើម្បីតតាំងនឹងរដ្ឋអំណាចផ្ដាច់ការនៃក្រុមគ្រួសារត្រកូល ហ៊ុន ផង។
ការផ្ដួចផ្ដើមទាំងនោះមានដូចជា៖
- ចលនាខ្មែរដើម្បីប្រជាធិបតេយ្យ (KMD) របស់អ្នកស្រី មូរ សុខហួរ
- ចលនាជាតិតស៊ូ តាមយុទ្ធសាស្ត្រផ្ការីក របស់លោក សម រង្ស៊ី
- គម្រោងបង្កើតរដ្ឋាភិបាលក្រៅប្រទេសជាដើម។
ចលនាផ្សេងៗ និងផែនការទាំងនេះ បានត្រូវក្រុមអ្នកប្រជាធិបតេយ្យនៅក្រៅស្រុក ផ្ដួចផ្ដើមឡើង កាលពីឆ្នាំ២០២៤ កន្លងទៅនេះ។
តើអ្វីខ្លះអាចជាឧបសគ្គរបស់ក្រុមអ្នកប្រជាធិបតេយ្យនៅក្រៅស្រុក?
តើនៅក្នុងឆ្នាំ២០២៥ នេះ ក្រុមអ្នកប្រជាធិបតេយ្យអាចនឹងជម្នះឧបសគ្គទាំងនោះ ដើម្បីធ្វើឱ្យគំនិតផ្ដួចផ្ដើមរបស់ខ្លួន ចេញផ្លែផ្កាបានដោយរបៀបណា?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក ជុន ច័ន្ទបុត្រ ជាមួយបណ្ឌិត សេង សារី អ្នកឃ្លាំមើលផ្នែកអភិវឌ្ឍន៍សង្គម និងលោក គឹម សុខ អ្នកអត្ថាធិប្បាយនយោបាយ ដែលបានជជែកពិភាក្សាអំពីរឿងនេះ នៅយប់ថ្ងៃអង្គារ ទី២៨ ខែមករា ឆ្នាំ២០២៥៕