នាទីវេទិកាអ្នកស្ដាប់វិទ្យុអាស៊ីសេរីសម្រាប់យប់ថ្ងៃសុក្រ ទី២៨ កុម្ភៈ បានពិភាក្សាលើប្រធានបទ៖ បញ្ហាជំងឺទឹកនោមផ្អែមលើកុមារ បណ្ដាលមកពីការទទួលទានភេសជ្ជៈប៉ូវកម្លាំង។
ប្រសិនបើលោកអ្នកនាងមានកូនចៅតូចៗ ដែលកំពុងទទួលទានភេសជ្ជៈប៉ូវកម្លាំង លោកអ្នកនាងគួរបញ្ឈប់រឿងនេះជាបន្ទាន់ ពីព្រោះវាកំពុងបំផ្លាញសុខភាពរបស់ពួកគេហើយ។
កុមារកម្ពុជាជាច្រើននាក់ កំពុងប្រឈមមុខនឹងជំងឺទឹកនោមផ្អែម ដោយសារការទទួលទានភេសជ្ជៈប៉ូវកម្លាំង ដែលមានកម្រិតជាតិស្ករច្រើនហួសប្រមាណ។ នេះជារឿង ដែលស្ថិតក្នុងស្ថានភាពប្រកាសអាសន្នសម្រាប់កម្ពុជា បើតាមការប្រកាសរបស់លោកនាយករដ្ឋមន្ត្រី ហ៊ុន ម៉ាណែត។
តើមានទំនាក់ទំនងគ្នាយ៉ាងណាខ្លះរវាងជំងឺទឹកនោមផ្អែម និងភេសជ្ជៈប៉ូវកម្លាំង?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក ជុន ច័ន្ទបុត្រ ជាមួយបណ្ឌិត ខឹម សារឹម អ្នកជំនាញផ្នែកវិទ្យាសាស្ត្រចំណីអាហារ ដែលបានជជែកពិភាក្សាអំពីរឿងនេះ នៅយប់ថ្ងៃសុក្រ ទី២៨ ខែកុម្ភៈ ឆ្នាំ២០២៥៕