និពន្ធនាយកនៃព្រឹត្តិបត្រ The Cambodia Daily លោក ខេវីន ដូលី (Kevin Doyle) បានអំពាវនាវស្នើឲ្យអាជ្ញាធរដោះលែងអ្នកទាំងពីរប្រកបដោយសុវត្ថិភាព ដែលរួមមាន ឈ្មោះ ភន បុប្ឆា និងអ្នកកាសែតជនជាតិអ៊ុយក្រែនម្នាក់ទៀតឈ្មោះ អូលីសា ផ្លូកគី (Olesia Plokhii )។
លោក ខេវីន បញ្ជាក់ថា មកដល់ម៉ោងជិត ៦ល្ងាចនៅថ្ងៃទី២៦ ខែមេសា អ្នកកាសែតទាំងពីរកំពុងឋិតនៅក្នុងកងប្រដាប់អាវុធ ឬប៉េអ៊ឹម នៅក្នុងព្រៃនៃទីកើតហេតុ នៅខេត្តកោះកុងនោះ។
កាលពីលោក ឈុត វុទ្ធី នៅរស់ លោកបានថ្លែងប្រាប់ទីភ្នាក់ងារព័ត៌មាន Reuters កាលពីខែកុម្ភៈ ដើមឆ្នាំ២០១២ នេះថា ការកាប់ព្រៃឈើ ការបណ្ដេញប្រជាពលរដ្ឋនៅតាមតំបន់ជនបទចេញពីដីលំនៅឋាន គឺប្រព្រឹត្តិឡើងដោយក្រុមប្រដាប់អាវុធ ដែលទាក់ទិនទៅនឹងក្រុមពាណិជ្ជករអ្នកមានប្រាក់។ លោក ឈុត វុទ្ធី បញ្ជាក់ថា ករណីនេះជាបញ្ហាអាក្រក់ណាស់៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។