វេទិកាអ្នកស្ដាប់វិទ្យុអាស៊ីសេរីសម្រាប់រាត្រីថ្ងៃសុក្រ ទី២០ ខែធ្នូ ឆ្នាំ២០២៤ ពិភាក្សាលើប្រធានបទ៖ តើវិបត្តិសិទ្ធិមនុស្សនៅកម្ពុជា ត្រូវដោះស្រាយបែបណា?
មកដល់ពេលនេះ កម្ពុជាមិនទាន់រើខ្លួនរួចពីកំណត់ត្រាអាក្រក់ខាងការរំលោភសិទ្ធិមនុស្សនៅឡើយទេ។ រដ្ឋាភិបាលថ្មីរបស់លោក ហ៊ុន ម៉ាណែត មិនបានដោះស្រាយវិបត្តិសិទ្ធិមនុស្ស ដែលបន្សល់ទុកពីរដ្ឋាភិបាលនៃឪពុករបស់លោកនោះទេ ប៉ុន្តែ បែរជាបានដាក់ចេញចំណាត់ការថ្មីៗ បន្ថែមទៀត ដែលមានលក្ខណៈគាបសង្កត់ និងរំលោភលើសិទ្ធិសេរីភាពពលរដ្ឋ។
តើវិបត្តិសិទ្ធិមនុស្សនៅកម្ពុជានេះ ត្រូវដោះស្រាយបែបណា?
ក្នុងកម្មវិធីវេទិកាអ្នកស្ដាប់វិទ្យុអាស៊ីសេរី យើងបានពិភាក្សាអំពីស្ថានភាពសិទ្ធិមនុស្សក្នុងឆ្នាំ២០២៤ និងដំណោះស្រាយសមស្របចំពោះវិបត្តិសិទ្ធិមនុស្សនេះ ខណៈកម្ពុជាកំពុងប្រឈមនឹងការបាត់បង់ប្រព័ន្ធអនុគ្រោះពន្ធ EBA ពីសហភាពអឺរ៉ុបបន្ថែមទៀត នៅពេលខាងមុខ។
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក យ៉ង ចាន់តារា ជាមួយលោក យិន ម៉េងលី អនុប្រធានផ្នែកសិទ្ធិមនុស្ស និងដីធ្លីនៃសមាគមអាដហុក (ADHOC) និងលោក ស ម៉ូរ៉ា ប្រធានគ្រប់គ្រងផ្នែកកម្មវិធី និងទំនាក់ទំនង នៃសហព័ន្ធសហជីពកម្ពុជា (CATU) ដែលបានជជែកពិភាក្សាអំពីរឿងនេះ នៅយប់ថ្ងៃសុក្រ ទី២០ ខែធ្នូ ឆ្នាំ២០២៤៕