បន្ទាប់ពីអាជ្ញាធររាជធានី-ខេត្ត ប្រកាសសុពលភាពក្រុមប្រឹក្សាឃុំ-សង្កាត់ឲ្យចូលបម្រើការជាផ្លូវការ នៅថ្ងៃទី៣ កក្កដា អតីតមេឃុំ-ចៅសង្កាត់មួយចំនួនរបស់គណបក្សប្រជាជនកម្ពុជា មិនព្រមប្រគល់បន្ទប់ធ្វើការទៅឲ្យមេឃុំ-ចៅសង្កាត់ថ្មីមកពីគណបក្សសង្គ្រោះជាតិ ចូលបំពេញការងារឡើយ។
ការមិនព្រមដើរចេញពីបន្ទប់ធ្លាប់អង្គុយធ្វើការនេះ អតីតមេឃុំ-ចៅសង្កាត់ទាំងនោះអះអាងថា បន្ទប់ដែលពួកគាត់ធ្លាប់អង្គុយធ្វើការកន្លងទៅ គឺជាការចំណាយថវិកាផ្ទាល់ខ្លួនដើម្បីរៀបចំ។
ទោះយ៉ាងណា ក្រសួងមហាផ្ទៃ បញ្ជាក់ថា ដោយសាររដ្ឋខ្វះខាតថវិកាសាងសង់សាលាឃុំ-សង្កាត់ ទើបបង្ខំចិត្តឲ្យមេឃុំ ឬចៅសង្កាត់ខ្លះ ត្រូវចំណាយថវិកាពីហោប៉ៅផ្ទាល់ខ្លួនរៀបចំទីតាំងបំពេញការងារដោយខ្លួនឯងផ្ទាល់។
ការបោះឆ្នោតនៅអាណត្តិទី៤ រៀបចំដោយ គ.ជ.ប កាលពីថ្ងៃទី៤ ខែមិថុនា ឆ្នាំ២០១៧ បង្ហាញថា គណបក្សសង្គ្រោះជាតិ ទទួលបានអាសនៈមេឃុំ-ចៅសង្កាត់ជិត ៥០០អាសនៈ (៤៨៩អាសនៈ) ចំណែកឯគណបក្សប្រជាជនកម្ពុជា ទទួលបានសំឡេងគាំទ្រជាង ១ពាន់អាសនៈ (១.១៥៦អាសនៈ) នៃសំឡេងឆ្នោតសរុបនៅទូទាំងប្រទេស៕
[ ព័ត៌មានទាក់ទងOpens in new window ]
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។