រដ្ឋាភិបាលអះអាងថា ដំណើរទស្សនកិច្ចផ្លូវការទ្វេភាគីជាលើកដំបូងរបស់នាយករដ្ឋមន្ត្រី ហ៊ុន ម៉ាណែត ទៅជួបក្រុមមេដឹកនាំចិន សម្រេចបាននូវ «លទ្ធផលយ៉ាងធំធេង» ទាំងផ្នែកទំនាក់ទំនងការទូត កិច្ចសហប្រតិបត្តិការទ្វេភាគី ផលប្រយោជន៍សេដ្ឋកិច្ច និងការវិនិយោគជាដើម។ ទន្ទឹមនឹងនេះ ភាគីទាំងពីរបានសង្កត់ធ្ងន់ថា មិនថាស្ថានភាពអន្តរជាតិប្រែប្រួលយ៉ាងណានោះទេ កម្ពុជា និងចិននឹងអភិវឌ្ឍ «ឥតឈប់ឈរ» នូវទំនាក់ទំនងមិត្តភាពយូរអង្វែងរបស់ខ្លួន និង «ធ្វើឱ្យស៊ីជម្រៅ» នូវកិច្ចសហប្រតិបត្តិការ «ត្បូងពេជ្រ» ក្នុងគោលបំណងលើកកម្ពស់ការកសាងសហគមន៍វាសនារួមកម្ពុជា-ចិនប្រកបដោយ «គុណភាពខ្ពស់ កម្រិតខ្ពស់ និងស្តង់ដារខ្ពស់» ក្នុងយុគសម័យថ្មី។
ក៏ប៉ុន្តែ អ្វីដែលគួរឱ្យកត់សម្គាល់អំពីលទ្ធផលនៃទំនាក់ទំនងស្អិតល្មួតរវាងកម្ពុជា និងចិន នារយៈពេលចុងក្រោយនេះ គឺកម្ពុជាកំពុងជាប់ឈ្មោះក្លាយជា «មជ្ឈមណ្ឌល» ប្រព្រឹត្តអំពើឆបោកតាមអនឡាញដ៏សម្បើមមួយក្នុងតំបន់អាស៊ីអាគ្នេយ៍។ ជាក់ស្តែង ថ្មីៗនេះ អង្គការសហប្រជាជាតិបានរកឃើញថា មនុស្សប្រមាណ១សែននាក់នៅកម្ពុជាក្លាយជាជនរងគ្រោះដោយសារការបង្ខំឱ្យប្រព្រឹត្តអំពើឆបោកតាមអនឡាញ។ ក្រៅពីនេះ ទំនាក់ទំនងនេះ ក៏បានធ្វើឱ្យកម្ពុជាផុងខ្លួនក្លាយជាកន្លែងឈានមុខគេក្នុងតំបន់ខាងឧក្រិដ្ឋកម្មជួញដូរមនុស្ស និងគ្រឿងញៀនឆ្លងដែន កាស៊ីណូ និងការធ្លាក់ចូលអន្ទាក់បំណុលវ័ន្តករបស់ចិន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។