នាទីវេទិកាអ្នកស្ដាប់វិទ្យុអាស៊ីសេរី នៅរាត្រីថ្ងៃអង្គារ ទី១៨ ខែកុម្ភៈ ឆ្នាំ២០២៥ ពិភាក្សាលើប្រធានបទ៖ តើរដ្ឋាភិបាលកម្ពុជាត្រូវទទួលខុសត្រូវយ៉ាងណារឿងយុត្តិធម៌សម្រាប់ លោក លិម គិមយ៉ា?
ដំណើរការផ្លូវច្បាប់ ដើម្បីវែកមុខអ្នកពាក់ព័ន្ធ ដែលជាមេគំនិតបញ្ជាឱ្យបាញ់សម្លាប់ លោក លិម គិមយ៉ា បានជាប់គាំងនៅត្រឹមអាជ្ញាធរកម្ពុជា។
ពលរដ្ឋ សហគមន៍ជាតិ និងអន្តរជាតិបានទន្ទឹងវិធានការរបស់អាជ្ញាធរខ្មែរនេះជាង១ខែមកហើយ ប៉ុន្តែរឿងនេះហាក់ស្ងាត់ជ្រងំ។
តើអាជ្ញាធររដ្ឋាភិបាលកម្ពុជាអាចធ្វើមិនដឹងមិនឮ ឬមិនអើពើរកយុត្តិធម៌ឱ្យសព លោក លិម គិមយ៉ា នេះ ឬយ៉ាងណា? តើអាជ្ញាធរអាប្រើវិធីពន្យារពេល ដើម្បីឱ្យរឿងនេះសាបរលាបតាមពេលវេលាដែលកន្លងទៅដែរទេ? តើរដ្ឋាភិបាលកម្ពុជាត្រូវទទួលខុសត្រូវយ៉ាងណារឿងយុត្តិធម៌សម្រាប់ លោក លិម គិមយ៉ា ?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងអ្នកស្រី សុ ជីវី ជាមួយលោក ស៊ឹង សែនករុណា ប្រធានអង្គការលទ្ធិប្រជាធិបតេយ្យខ្មែរប្រចាំប្រទេសអូស្ត្រាលី និងលោក លោក វ៉ន ចាន់ឡូត អ្នកជំនាញផ្នែកច្បាប់ និងអភិបាលកិច្ចតាមបែបប្រជាធិបតេយ្យ ដែលបានជជែកពិភាក្សាអំពីរឿងនេះ ក្នុងនាទីវេទិកាអ្នកស្ដាប់វិទ្យុអាស៊ីសេរី នៅរាត្រីថ្ងៃអង្គារ ទី១៨ ខែកុម្ភៈ ឆ្នាំ២០២៥៕