សកម្មជនគណបក្សប្រឆាំង ដីធ្លី មន្ត្រីសង្គមស៊ីវិល រួមនឹងតំណាងទូតប្រទេសប្រជាធិបតេយ្យផង បន្តឃ្លាំមើលសវនាការប្រធានគណបក្សសង្គ្រោះជាតិ លោក កឹម សុខា នៅសាលាឧទ្ធរណ៍ភ្នំពេញ នៅព្រឹកថ្ងៃទី៩ ឧសភា នេះ។
នេះជាសវនាការលើកទី៨ របស់លោក កឹម សុខា នៅសាលាឧទ្ធរណ៍ភ្នំពេញ ខណៈមានអ្នកគាំទ្រលោក ប្រមាណ ៤០នាក់មកពីបណ្តាលខេត្តមួយចំនួនដូចជា រាជធានីភ្នំពេញ ខេត្តកណ្តាល កំពត បន្ទាយមានជ័យ ត្បូងឃ្មុំ កំពង់ស្ពឺ ស្ទឹងត្រែង បាត់ដំបង និងខេត្តកំពង់ធំ ជាដើមចូលរួមឃ្លាំមើល។ សវនាការនេះក៏មានការចូលរួមឃ្លាំមើលពីមន្ត្រីតំណាងស្ថានទូតសហភាពអឺរ៉ុប សហរដ្ឋអាមេរិក អូស្ត្រាលី និងតំណាងអង្គការសហប្រជាជាតិប្រចាំនៅកម្ពុជា មន្ត្រីអង្គការលីកាដូ សមាគមអាដហុក និងមជ្ឈមណ្ឌលសិទ្ធិមនុស្សកម្ពុជាជាដើម។
ទោះជាយ៉ាងណា សមត្ថកិច្ចបានរារាំងអ្នកគាំទ្រលោក កឹម សុខា នៅខាងមុខសាលាឧទ្ធរណ៍ និងបានប៉ះទង្គិចសម្ដីគ្នាយ៉ាងខ្លាំង ប៉ុន្តែ ពុំបង្កជាហិង្សាកើតឡើងនោះទេ។
សូមរង់ចាំអាន និងស្ដាប់ព័ត៌មានពិស្ដារក្នុងកម្មវិធីផ្សាយនារាត្រីនេះ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ៕