សមត្ថកិច្ចចាប់ខ្លួនកញ្ញា សេង ធារី អ្នកជំនាញច្បាប់ និងកិច្ចការអន្តរជាតិ ភ្លាមនៅថ្ងៃទី១៤ ខែមិថុនា ក្រោយតុលាការប្រកាសសាលក្រមថា កញ្ញាមានទោសនៃបទចោទរួមគំនិតក្បត់ ក្នុងសំណុំរឿងវិលចូលស្រុករបស់លោក សម រង្ស៊ី កាលពីឆ្នាំ២០១៩។ តុលាការកាត់ទោសឲ្យកញ្ញា ជាប់ពន្ធនាគារ៦ឆ្នាំ។
មុនពេលចាប់ខ្លួននេះ កញ្ញា សេង ធារី និយាយថា កញ្ញា ត្រៀមខ្លួនរួចហើយសម្រាប់ជាប់ពន្ធនាគារ ដោយកញ្ញា បានកោរសក់ ការពារកើតចៃ ហើយ កញ្ញា សេង ធារី ធ្លាប់បញ្ជាក់ប្រាប់អាស៊ីសេរីថា បានត្រៀមខ្លួនរួចរាល់អស់ហើយ ដើម្បីចូលគុក ដោយមិនខ្លាចញញើតនោះឡើយ ក្នុងថ្ងៃប្រកាសសាលក្រមក្នុងសំណុំរឿងកញ្ញានៅពេលនេះ។
មេធាវីការពារក្ដីកញ្ញា សេង ធារី លោក ជួង ជូងី ប្រាប់ក្រុមអ្នកសារព័ត៌មានថា លោកនឹងទៅជួបកញ្ញា សេង ធារ នៅពន្ធនាគារ រៀបចំប្ដឹងទាស់ទៅសាលាឧទ្ធរណ៍ប្រឆាំងការចាប់ខ្លួននេះ។
លោកមេធាវីឲ្យដឹងទៀតថា ក្រៅពីកញ្ញា សេង ធារី សកម្មជនគណបក្សសង្គ្រោះជាតិផ្សេងទៀត ក៏ត្រូវតុលាការក្រុងភ្នំពេញកាត់ឲ្យជាប់ទោសក្នុងសំណុំរឿង ''រួមគំនិតក្បត់" និង"ញុះញង់ ដែលត្រូវជាប់ទោសពី ៥ឆ្នាំ ៦ឆ្នាំ និង៨ឆ្នាំ ដែរ។
ទស្សនាវីដេអូបន្ថែមជុំវិញព្រឹត្តិការណ៍នេះដូចតទៅ...
សូមរង់ចាំអាន និងស្ដាប់ព័ត៌មានពិស្ដារក្នុងកម្មវិធីផ្សាយនារាត្រីនេះ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។