លោកនាយករដ្ឋមន្ត្រី ហ៊ុន សែន បានសម្រេចកែតម្រូវថ្ងៃខែកំណើតរបស់លោក ពីថ្ងៃទី០៤ ខែមេសា ឆ្នាំ១៩៥១ មកជាថ្ងៃទី០៥ ខែសីហា ឆ្នាំ១៩៥២ វិញ។
លោក ហ៊ុន សែន និយាយថា លោកធ្វើបែបនេះ គឺដើម្បីកែកំហុសកាលពីសម័យសង្គ្រាម។ ក៏ប៉ុន្តែ ក្រុមអ្នករិះគន់និយាយថា ការណ៍ដែលបុរសខ្លាំងហាក់មានជំនឿស៊ុបលើអបិយជំនឿ សម្រេចកែថ្ងៃខែកំណើតរបស់លោកពីឆ្នាំថោះទៅជាឆ្នាំរោងវិញបែបនេះ គឺដោយសារតែឆ្នាំរោងត្រូវគេជឿថា ជាឆ្នាំដែលផ្តល់នូវភាពចម្រុងចម្រើននិងមានជោគវាសនាល្អតាមក្បួនតម្រាសាស្ត្របុរាណចិន។
សេចក្តីរាយការណ៍មួយចំនួនទៀត លើកឡើងថា លោក ហ៊ុន សែន ប្តូរថ្ងៃខែឆ្នាំកំណើតរបស់លោកដូច្នេះ គឺក្រោយពីមរណភាពរបស់បងប្រុសលោកកាលពីពេលថ្មីៗនេះ ដោយសារតែលោកភ័យខ្លាចថា ថ្ងៃខែឆ្នាំកំណើតចាស់របស់លោក អាចជាមូលហេតុបណ្តាលឱ្យបងប្រុសរបស់លោកទទួលមរណភាពដោយសារតែឆុងរាសីផ្អែកតាមក្បួនតម្រាសាស្ត្ររបស់ចិន។
លោកនាយករដ្ឋមន្ត្រី ហ៊ុន សែន ខ្លួនឯងបាននិយាយថា ថ្ងៃខែឆ្នាំកំណើតចាស់របស់លោកឆុងគ្នានឹងថ្ងៃខែឆ្នាំកំណើតរបស់បងប្រុសលោក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។